Ադրբեջանում խորհրդարանական ընտրությունները ստվերվել են բազմաթիվ ընթացակարգային խախտումներով, ինչը լուրջ կասկածներ է առաջացրել, թե դրանք որքանով են ազատ կամ արդարացի եղել: Այս մասին հայտարարել են միջազգային դիտորդները:
«Չնայած իշխանությունները Ընտրությունների դիտարկման միջազգային առաքելությանը (IEOM) հայտնել էին, որ ընտրությունները ազատ եւ արդարացի մթնոլորտում կազմակերպելու քաղաքական կամք կա, IEOM-ի շատ զրուցակիցներ լուրջ մտահոգություն են հայտնել հիմնական իրավունքների եւ ազատությունների պահպանման վերաբերյալ»,- նշված է հայտարարության մեջ, որը մեջբերել է Reuters-ը:
«Ձայների հաշվարկի եւ աղյուսակները կազմելու ժամանակ զգալի ընթացակարգային խախտումները մտահոգություն են հարուցել այն կապակցությամբ, թե արդյոք արդյունքներն արդարացի են»:
Դիտորդները նշել են, որ սահմանափակող օրենսդրությունը եւ ընդհանուր քաղաքական իրադրությունը խոչընդոտել են իրական մրցակցությանը: «Ընտրությունների օրը քվեարկությունը բացասաբար է գնահատվել 7 ընտրական տեղամասերում, որը ընթացակարգային լուրջ թերությունների մասին վկայող վիճակագրական բարձր ցուցանիշ է»,- նշված է հայտարարության մեջ:
Մի քանի դիտորդներ հայտնել են նաեւ քվեաթերթիկների լցոնման դեպքերի մասին:
