Լեգենդար McLaren F1-ի հեղինակ Գորդոն Մյուրեյը եւ նրա Gordon Murray Design (GMD) ընկերությունը ստեղծել են մեկտեղանոց Motiv անօդաչուն, գրում է Motor-ը։

Նախագծի նպատակը էականորեն ծախսերը նվազեցնել թույլ տվող հարթակի ստեղծումն է եւ օպերատորներին ավտոնոմ կառավարման ցանկացած համակարգին հարմարվելու պատրաստ արտադրանք տրամադրելը։

Մեկտեղանոց կվադրիցիկլ Motiv-ը GMD-ի, Delta Motorsport-ի եւ itMoves-ի համագործակցության արդյունքն է։ Նախագիծը ֆինանսավորվում է պետական IDP14 ծրագրի միջոցով, որի շրջանակներում ոչ թանկարժեք եւ թեթեւացած էլեկտրական հարթակ է ստեղծվում։ Անօդաչուի հիմքում ընկած է iStream Superlight արտոնագրված հարթակը։

Motiv-ի երկարությունը կազմում է երկուսուկես մետր, իսկ դա նշանակում է, որ այն ունի քաղաքներում խցանումները նվազեցնելու հնարավորություն։ Էլեկտրաշարժիչը 20 կիլովատ հզորություն ունի, իսկ մարտկոցների հնարավորությունը 17,3 կվատ/ժամ է, որը կարող է մոտ 100 կմ շարժման հնարավորություն տալ։ Տեղից պոկվելով, մեքենա կարող է 7,5 վայրկայնում 100 կմ/ժ արագություն զարգացնել, սակայն այն 65 կմ/ժ-ից ավել արագությամբ չի կարող երթեւեկել։ Մարտկոցի լիցքավորումը 20-ից մինչեւ 80 տոկոս տեւում է 40 րոպե։