News
Լրահոս
News
Կիրակի
Մայիս 31
USD
483.91
EUR
533.66
RUB
6.83
ME-USD
0.03
Տեսնել լրահոսը

Երեքշաբթի օրը Բեյրութի կենտրոնում հավաքված բողոքի ցույցի մասնակիցների դեմ ոստիկանությունը ջրցան մեքենաներ է կիրառել: Ինչպես դեպքի վայրից փոխանցում է ՏԱՍՍ-ը, ցուցարարների խումբը փորձ է ներխուժել Պլյաս Էթուալի վրա գտնվող Խորհրդարանի շենք, որտեղ տեղի է ունենալու պատգամավորների պալատի նիստը` նվիրված վարչապետ Հասան Դիաբի ղեկավարած կառավարությանը վստահության քվե ստանալուն:

Բողոքի ակցիայի մասնակիցները փորձում են նաեւ արգելափակել Բեյրութի ծովափը` «Ֆինիցիա» հյուրանոցի մոտակայքում, որպեսզի օրենսդիրներին թույլ չտան հասնել խորհրդարանական պալատ: Իրավապահներին առայժմ հաջողվում է զսպել ցուցարարների ամբոխին, ոստիկաններին օգնում են բանակային պարեկային ծառայությունները, որոնք քաղաք են մտել վաղ առավոտյան:

Փետրվարի 6-ին Դիաբի կաբինետը հաստատել էր բարեփոխումների ծրագիրը, որն ուղղված է երկրի տնտեսության իրավիճակի կայունացմանը: Հակաճգնաժամային պլանը մի շարք ցավոտ միջոցառումներ է նախատեսում ֆինանսական փլուզումը կանխելու համար` հաշվի առնելով, որ Լիբանանի ազգային պարտքը հասել է 85 միլիարդ դոլարի, իսկ ազգային արժույթը` լիբանանյան ֆունտը, արժեզրկվել է 33 տոկոսով: Կաբինետը նաեւ դատական բարեփոխում եւ կոռուպցիայի դեմ պայքարի մի շարք միջոցառումներ է նախապատրաստում:

Լիբանանի նախագահ Միշել Աունը անցած տարի դեկտեմբերի 19-ին խորհրդարանական խմբակցությունների հետ խորհրդակցություններից հետո հանձնարարել է նոր կաբինետ ձեւավորել անկախ քաղաքական գործիչ Հասան Դիաբի համար: Դիաբի թեկնածությանը, որը 2011-2014 թվականներին զբաղեցնում էր կրթության նախարարի պաշտոնը, աջակցեց 128 պատգամավորից 69-ը: Կառավարության կազմը հաստատվել էր հունվարի 21-ին:

Դիաբի կաբինետը ապավինում է խորհրդարանական մեծամասնության աջակցությանը, որը ղեկավարում են իշխանամետ Ազատ հայրենասիրական շարժումը եւ «Հըզբոլլահ»-«Ամալ» շիական տանդեմը:

Արևմտամետ ճամբարի կուսակցությունները հրաժարվեցին մասնակցել նոր կառավարությանը եւ միացան ընդդիմությանը: Դրանց թվում է «Ալ-Մուստաքբալ» սուննիական շարժումը, որի առաջնորդ Սաադ Հարիրին ղեկավարում էր նախորդ կոալիցիոն կաբինետը եւ հրաժարական տվեց անցյալ տարվա հոկտեմբերի 29-ին` Լիբանանում բռնկված զանգվածային բողոքի ակցիաների պատճառով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Անկայուն իրավիճակը Լիբանանում կարող է բողոքների նոր ալիքի հանգեցնել. լրագրող
«Իշխանություններին դեռ չի հաջողվել կրճատել գործազրկությունը եւ կայունացնել սոցիալ-տնտեսական իրավիճակը, ինչը հիմնականում կապված է տեղական արժույթի արժեզրկման հետ...
Իրաքի նախագահը հրահանգել է Մուստաֆա ալ-Կազիմիին նոր կառավարություն ձեւավորել
Պետության ղեկավարը կաբինետ ձեւավորելու իրավասություն է տվել Ալ-Կազիմիին այն բանից հետո, երբ հինգշաբթի օրը ներկայիս նշանակված վարչապետ Ադնան ալ-Զուրֆին հրաժարվեց Իրաքի կառավարության ձեւավորումից...
Իրաքում ամերիկյան նավթավերամշակման գործարանը հրթիռակոծության է ենթարկվել. լրատվամիջոց
Սա վերջին ամիսներին Իրաքում ամերիկյան էներգետիկ կետերի վրա առաջին հարձակումն է…
Tasnim. Իրանը ԱՄՆ զինված ուժերին կոչ է արել լքել Իրաքն ու լարվածություն չստեղծել տարածաշրջանում
«Այն դեպքում, երբ ՄԱԿ-ի գլխավոր քարտուղարը եւ միջազգային հանրությունը նշում են լարվածության նվազեցման կարեւորությունը կորոնավիրուսի բռնկման պայմաններում...
Իրաքում հրթիռակոծել են միջազգային կոալիցիայի ռազմաբազան
Բասմայա ռազմաբազայի վրա հարձակում է կատարվել նվազագույնը երկու հրթիռով…
Իրաքում երկու ամերիկյան զինծառայողներ են սպանվել
Նրանք սպանվել են երկրի կենտրոնական մասի լեռնային շրջանում «Իսլամական պետության» ցիտադելի չեզոքացման առաքելության ժամանակ․․․