Իրանի դեմ մեկ միլիարդ դոլար արժողությամբ կանադական դատական հայցը Թեհրանի մերձակայքում խոցված ուկրաինական ինքնաթիռի համար հիմքեր չունի: Վճարումների մասին պահանջը մերժել է Իրանի արտաքին գործերի նախարար Մոհամմադ Զավադ Զարիֆը, փոխանցում է «ՌԻԱ Նովոստի»-ն:
«Իրանն անհրաժեշտ միջոցներ է ձեռնարկում միջազգային կանոնների հիման վրա»,- ասել է արտաքին քաղաքական գերատեսչության ղեկավարը` հավելելով, որ դատական հայցը որևէ հիմք չունի:
Ավելի վաղ հայտնի էր դարձել, որ կանադացի փաստաբանները խմբակային հայց են ներկայացրել Իրանի իշխանությունների դեմ` պահանջելով 1.5 միլիարդ կանադական դոլար (1.1 միլիարդ ԱՄՆ դոլար) վճարել «Ուկրաինայի միջազգային ավիաուղիների»` Թեհրանում խոցված ինքնաթիռում իրենց հայրենակիցների մահվան համար:
Գլխավոր հայցվորի անունը չի հրապարակվել, քանի որ նրա ընտանիքին Իրանում կարող է ենթարկվել հետապնդման վտանգ սպառնալ Իրանի իշխանությունների կողմից, պարզաբանում են փաստաբանները: Գործով ամբաստանյալներն Իրանի պետությունն է, Իսլամական հանրապետության հոգեւոր առաջնորդ Այաթոլլահ Ալի Խամենեին, ինչպես նաեւ Իսլամական հեղափոխության պահապանների կորպուսի գլխավոր հրամանատարները:
«Ուկրաինայի միջազգային ավիաուղիների» Boeing 737-800 ինքնաթիռը վթարի էր ենթարկվել հունվարի 8-ի առավոտյան` Թեհրանի օդանավակայանից թռիչք կատարելիս: Զոհվել է 176 մարդ, այդ թվում` Ուկրաինայի 11 քաղաքացի: Իրանը խոստովանել է, որ սխալմամբ է խոցել ինքնաթիռը եւ առաջարկել է 80 հազարական դոլար վճարել զոհերի ընտանիքներին: Ուկրաինայի նախագահ Վլադիմիր Զելենսկին հրաժարվել է փոխհատուցումից եւ հայտարարել, որ մտադիր է միջազգային դատարանի միջոցով մեծ գումարների վճարման հասնել:
Իրանի իշխանությունները որոշել են խոսցված ինթնաթիռի սեւ արկղերը պահել իրենց մոտ: Այս որոշումը քննադատվեց Կանադայի վարչապետ Զասթին Թրյուդոյի կողմից: Նա կոչ արեց դրանք մեկ այլ երկիր տալ, քանի որ Թեհրանը չունի բավարար տեխնիկական հնարավորություններ` տվյալներն արագ վերծանելու համար:
