ԱՄՆ-ում Լուիզիանայի բնակիչն իրեն մեղավոր է ճանաչել «հանուն փառքի» երեք եկեղեցի հրկիզելու մեջ: Americaru-ն փոխանցում է, որ Լուզիանայի շերիֆի օգնականի որդին իրեն մեղավոր է ճանաչել երեք «սեւ» եկեղեցիներ հրկիզելու մեջ: Դատարանում 22-ամյա Հոլդեն Մեթյուզը խոստովանել է, որ մեղավոր է նահանգի հարավում Սենթ Լենդրիում, որտեղ առավելապես կրեոլներ են բնակվում, երեք բապտիստական եկեղեցիները հրդեհելու մեջ: Երեք միջադեպն էլ տեղի է ունեցել 10-օրյա միջակայքում՝ անցյալ տարվա մարտից ապրիլ:
Մարտի 26-ին Պորտ Բարեում հրդեհը ոչնչացրել է բապտիստական Սուրբ Մարիայի եկեղեցին, ապրիլի 2-ին Օփելուսասում՝ Մեծ Միության բապտիստական եկեղեցին եւ ապրիլի 4-ին Օփելուսասում՝ Մաունթ Փլեզանթ բապտիստական եկեղեցին:
Մեթյուզի խոսքով՝ հրկիզման պատճառը կրոնի հարցերն էին եւ որպես Black Metal ոճի երաժիշտ հռչակվելու մտադրությունը: Նա պարզապես պատճենել է 1990-ական թվականներին Նորվեգիայում իրականացված համանման հացագործությունները: Նա Մաունթ Փլեզանթը հրդեհելուց հետո լուսանկարները եւ տեսանյութը հրապարակել էր Facebook-ում: