Ադրբեջանական ընդդիմադիր ReAl շարժման առաջնորդ Իլգար Մամեդովը հայտարարել է, որ ընդդիմությունը հրաժարվում է Լոքբատան գյուղում հանրահավաք անցկացնելուց:
Ի. Մամեդովի կարծիքով՝ հանրահավաքը պետք է անցկացվի քաղաքի կենտրոնում, հայտնում են ադրբեջանական լրատվամիջոցները:
«Մուսավաթ» կուսակցությունը, ReAl եւ D18 շարժումները, մինչպես նաեւ մի շարք անկախ թեկնածուներ ավելի վաղ դիմել էին Բաքվի քաղաքապետարան փետրվարի 9-ի խորհրդարանական ընտրությունների կեղծման դեմ հանրահավաք անելու մտադրությամբ:
Բաքվի գործադիր իշխանությունը նրանց առաջարկել էր մրջոցառումն անցկացնել փետրվարի 16-ին 15:00-ից մինչեւ 17:00 Բաքվի Գարադաղի շրջանի Լոքբատան գյուղի «Գարադաղ» մարզա-ուսումնական բազայի տարածքում: