News
Լրահոս
News
Ուրբաթ
Մարտ 29
Տեսնել լրահոսը


Սահմանադրական փոփոխությունների հարցով հանրաքվեի անցկացման մասին նախաձեռնության հետեւանքներն այնքան մասշտաբային կլինեն, որ անհրաժեշտ կլինի առնվազն տասնամյակ այդ հետեւանքները վերացնելու համար: Այս մասին այսօր «Սահմանադրական անվտանգություն․ մարտահրավերներ եւ լուծումներ» խորագրով քննարկման ժամանակ հայտարարեց ՍԴ նախագահի խորհրդական Գրիգոր Մուրադյանը:

Նրա խոսքով՝ օրենքը տապալվել է, իսկ ժամանակակից սահմանադրական պետությունը անհամատեղելի է ծայրահեղ պոպուլիզմի հետ: Մուրադյանը հիշեցրեց, որ ՍԴ-ն կոչված է պահպանելու պետական համակարգը ոտնձգություններից, իսկ ծայրահեղ պոպուլիզմը կարող է գոյություն ունենալ «թշնամու» գոյության պայմաններում: «Տպավորություն է, որ մենք հետ ենք գնացել ոչ թե սովետական շրջան, այլ, ցավոք, անցած դարի 30-ական թվականներ, երբ նույն կարգախոսներով ոչնչացնում էին բնակչության տարբեր խմբերին: Դեռ գործը դրան չի հասել, հուսով եմ, որ չի հասնի»,- նշեց խորհրդականը:

Մուրադյանը նկատեց, որ լինելով Սահմանադրության հեղինակներից մեկը՝ կարող է հաստատել, որ հեղինակները անգամ մտածել չէին կարող, որ այն կարող է այդ կերպ մեկնաբանվել: «Առաջին ձեռքից հաստատում եմ՝ եթե լիներ նման ընկալում, ապա 213-րդ հոդվածն այլ կերպ կձեւակերպվեր հատուկ նրանց համար, ովքեր չեն ընդունում, որ անհնար է դադարեցնել ՍԴ դատավորի լիազորությունները, եթե նա չի հեռանում իր կամքով կամ չկա դատական որոշում»,- նշեց Մուրադյանը:

Նրա խոսքով՝ նման քայլերով խախտվում է սահմանադրականության կայունությունը: «Նախաձեռնության հեղինակների մոտեցումները հակասում են ժողովրդի կամքին: Կարելի է, իհարկե, պնդել, թե նախորդ հանրաքվեում կամքը կեղծվել է: Եթե դա այդպես էր, ապա պետք էր այդ ժամանակ նոր Սահմանադրություն ընդունել: Չի կարելի «կեղծված» Սահմանադրությունում փոփոխություններ կատարել: Դատավորների անփոփոխությունն ուղիղ կապ ունի նրանց անկախության հետ: Այսինքն՝ նրանք պետք է հեռու լինեն ոտնձգություններից: Հայաստանը կդադարի լինել իրավական պետություն»,- ընդգծեց Մուրադյանը՝ հավելելով, որ ճակատագրական սխալ են անում:

Նրա խոսքով՝ ավելի շատ վտանգ է իրենից ներկայացնում այն հանգամանքը, որ Հայաստանում որոշ ժամանակով չի գործի ՍԴ-ն: «2-3 ամիս կարելի է մնալ առանց ՍԴ-ի, անել ցանկացած փոփոխություն, վավերացնել միջազգային պայմանագրեր առանց ՍԴ որոշման: Այդ 2-3 ամսում կարելի է անել ցանկացած իրավական վակխանալիա: Նոր ՍԴ-ն չի կարող լեգիտիմություն ունենալ: Հետեւաբար, հաջորդ իշխանությունները կարող են ՍԴ-ի որոշումները կասկածի տակ դնել: Եթե դա նախադեպ դառնա, ապա կարելի է հետագայում եւս նման ոգով գործել՝ արդեն առանց հանրաքվեի փոխել եւ դադարեցնել դատավորների լիազորությունները: Պետք է անել ամեն ինչ՝ նման նախադեպը բացառելու համար»,- եզրափակեց Մուրադյանը:   

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իմ անունից տարածվում են կեղծ տեղեկություններ. Լեւոն Քոչարյան
Այս ամենի նպատակը մարդկանց մոլորեցնելն է: Խնդրում եմ եղեք ուշադիր եւ հետեւեք իմ պաշտոնական էջերին...
«Հրապարակ». Ոսկեպարցիներն անհամբեր սպասում են
Երեկ փորձեցինք վարչապետի խոսնակից տեղեկանալ՝ նախատեսվո՞ւմ է արդյոք Տավուշ այց, ինչպեսեւ խոստացել...
«Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք
Այս հիմնադրամին ամեն տարի ՀՀ կառավարության որոշմամբ պարբերաբար փոխանցվել են միլիոնավոր դոլարներ...
«Հրապարակ». Իշխան Սաղաթելյանի հոր նկատմամբ դատախազությունը հարուցել է քրեական հետապնդում
Ակնհայտ է, որ ընտանիքիս անդամներին հետապնդելով՝ փորձում են ինձ վրա ճնշում բանեցնել, որը չի ստացվի, սա ո՛չ...
«Իրավունք». Նիկոլ Փաշինյանի նյարդերը տեղի են տվել
Հրահանգել է, որ պարտադիր հանդիպումներ ունենան արցախահայերի հետ ու համոզեն, որ սուս նստելու դեպքում...
«Հրապարակ». Դիանա Գալոյանը նոր պաշտոն կստանա՞
Խոսքը, մասնավորապես, «Ամբերդ» հետազոտական կենտրոնի մասին է, որի ղեկավարը ներկայում Դավիթ...
Ամենաշատ