Բեռլինում երաժշտական միջոցառման ժամանակ տեղի ունեցած հրաձգության հետեւանքով զոհվել է մեկ մարդ, երեքը վիրավորվել են, հայտնում է Associated Press-ը՝ վկայակոչելով Գերմանիայի իրավապահ մարմիններին:
Միջադեպը տեղի է ունեցել ուրբաթ երեկոյան: Գերմանական ոստիկանությունը հայտնել է, որ անհայտ անձինք կրակոցներ են արձակել քաղաքի կենտրոնում Պոտսդամի հրապարակում:
Հրաձիգները դեպքի վայրից փախուստի են դիմել:
Ոստիկանությունը պարզում է՝ այս միջադեպն արդյոք կապվա՞ծ է բուն միջոցառման հետ. ուրբաթը հայտարարվել էր թուրքական կատակերգության երեկո, նշում է գործակալությունը:
