Toyota ընկերությունը մտադիր է թողարկել C-HR երիտասարդական քրոսովեր, որը «լիցքավորված» է Gazoo Racing բաժնի կողմից: Կոմպակտ ամենագնացը կհամալրվի 250-ուժանոց 1.6լ ծավալով «տուրբոեռյակով», որն առաջին անգամ ներկայացվել էր Yaris GR ռալլիական հեչբեքի ժամանակ: Մոդելի հիմնական մրցակիցներից մեկը կարող է դառնալ 300-ուժանոց Volkswagen T-Roc R-ն, գրում է Մոտոր-ը:
Բացի հզոր շարժչից, GR վարկածի C-HR քրոսովերը կունենա սպորտային կախոց նոր ամորտիզատորներով, ավելի արդյունավետ արգելակներով եւ կտարբերվի սրահի օրիգինալ դեկորով:
Ակնկալվում է, որ ճապոնական ընկերության ինժեներները կներգրավեն «քաղաքացիական» մոդելներ ստեղծելու գործընթացքում Toyota գործարանի ռալլիների համար աշխատող թիմի մասնագետներին, իսկ կառավարման ընթացքում վարորդի ներգրավվածությունն ապահովելու համար «թեժ» քրոսովերը կստանա այլընտրանք չունեցող 6-աստիճան «մեխանիկա»:
Auto Express-ի կանխատեսմամբ՝ Toyota C-HR GR-ը շուկայում կհայտնվի 2023 թվականից ոչ շուտ: Ակտուալ քրոսովերը թողարկվում է 2016 թվականից եւ անցած տարի ենթարկվել է պլանային ռեսթայլինգի, այդ պատճառով չի բացառվում, որ C-HR «լիցքավորված» տարբերակն ի հայտ կգա միայն երկրորդ սերնդի մոդելում:
Հավանական է, որ Toyota C-HR GR քրոսովերի հետ մեկտեղ շուկայում կհայտնվի Corolla հեչբեքի «թեժ» տարբերակը, որի մրցակիցներն են Hyundai i30 N-ն ու Ford Focus ST-ը:
