Դենիս փոթորիկը մոլեգնում է Մեծ Բրիտանիայում. Միացյալ Թագավորության ողջ տարածքում ուժգին քամիներ եւ հորդառատ անձրեւներ են, իսկ Ուելսի եւ Շոտլանդիայի իշխանությունները նախազգուշացրել են բնակիչներին ջրհեղեղների վտանգի մասին, հաղորդում է Associated Press-ը:
Մեծ Բրիտանիայի Ազգային օդերեւութաբանական ծառայությունը հրապարակել է 250 նախազգուշացում Անգլիայում, Շոտլանդիայում եւ Ուլեսում ջրհեղեղների մասին:
Ատլանտյան օվկիանոսի հյուսիսային մասից հսկայական ալիքները դեպի ափ են նետել երկու տղամարդկանց դիերը, որոնց որոնում էին Անգլիայի արեւելյան ափին:
Ուժգին քամիների հետեւանքով չեղարկվել են հարյուրավոր ավիաչվերթներ, խախտված է նաեւ երկաթուղային ծառայության աշխատանքը:
Եղանակային պայմանները բացասաբար են ազդել հազարավոր ճանապարհորդների դրության եւ ծրագրերի վրա:
