Պաղեստինի վարչապետ Մուհամեդ Շտայեն կոչ է արել Եվրամիության երկրներին միաձայն հերքել ԱՄՆ նախագահ Դոնալդ Թրամփի առաջարկած պաղեստինա-իսրայելական կարգավորման հարցով «դարի գործարքը», հաղորդում է ՏԱՍՍ-ը:
«Թարմփի առաջարկը վտանգավոր է արդեն իսկ այն պատճառով, որ հիմնված է նոր պարադիգմայի վրա: Իսկ պաղեստինցիների նկատմամբ Թրամփի պարադիգման հիմնված է հետեւալի վրա. հաղթել նրանց, որպեսզի նրանք պարտվեն եւ ընդունեն մեզ»,-կիրակի Մյունխենի անվտանգության համաժողովի ժամանակ հայտարարել է նա:
«Ես կոչ եմ անում Եվրոպային լուրջ պատասխան տալ Թրամփի նախաձեռնությանը, անել դա հնչեղ՝ հստակորեն հերքելով այդ առաջարկն ու չթողնելով վակուում»,-ասել է Շթայեն:
