ԱՄՆ նախագահ Դոնալդ Թրամփը Թուրքիայի ղեկավար Ռեջեփ Թայիփ Էրդողանի հետ փետրվարի 15-ին կայացած հեռախոսազրույցում հայտարարել է, որ Լիբիայում միջամտության շարունակությունը միայն կվատթարացնի իրավիճակը: Այս մասին նշվում է Սպիտակ տան փոխխասնակ Զադ Դիրի` կիրակի երեկոյան տարածած հաղորդագրության մեջ, փոխանցում է ՏԱՍՍ-ը: «ԱՄՆ նախագահ Դոնալդ Թրամփը շեշտել է, որ շարունակվող արտաքին միջամտությունը Լիբիայում միայն կխորացնի իրավիճակը»,- նշեց Դիրը:
Արդեն մի քանի տարի է, ինչ Լիբիայում միաժամանակ երկու գործադիր մարմին է գործում ՝ միջազգայնորեն ճանաչված Ազգային համաձայնագրի կառավարությունը (ԱՀՊ)` վարչապետ Ֆայիզ Սարաջի ղեկավարությամբ, եւ Աբդուլլահ Աբդուրահմաթ Աթ-Թանիի ժամանակավոր կաբինետը, որը գործում է երկրի արևելքում` խորհրդարանի հետ միասին, որին աջակցում է Լիբիայի ազգային բանակը` ֆելդմարշալ Խալիֆա Հաֆթարի ղեկավարությամբ:
Հաֆթարը 2019 թվականի դեկտեմբերի 12-ին հայտարարել է Տրիպոլիի վրա վճռական հարձակման սկիզբը: Իր հերթին ԱՀՊ-ն իր պաշտպանության համար մոբիլիզացրել է իր վերահսկողության տակ գտնվող բոլոր զինված խմբերը` պաշտոնապես օգնություն խնդրելով Թուրքիայից` նոյեմբերի վերջին ստորագրված ռազմական համագործակցության հուշագրի հիման վրա: Բանակային հրամանատարությունը բազմիցս մեղադրել էր Անկարային զենքի մատակարարման եւ Տրիպոլիի իշխանություններին այլ նյութական-տեխնիկական օգնություն ցուցաբերելու համար՝ շրջանցելով միջազգային էմբարգոն:
