Հոնկոնգում զինված ավազակները 600 թոփ զուգարանի թուղթ են գողացել` վախենալով, որ կորոնավիրուսի պատճառով խանութներում ապրանքները կսպառվեն, հայտնում է Gazeta-ն ՝ վկայակոչելով South China Morning Post-ը:
Նշվում է, որ կողոպուտը դիմակավորված երեք անձ է իրականացրել: Երկուշաբթի օրը` փետրվարի 17-ին, տեղական խանութներից մեկի մոտ նրանք մոտ 50 տուփ ձուգարանի թուղթ են առաքիչից գողացել:
Ոստիկանությունը հայտնել է, որ նրանցից մեկն իր մոտ դանակ է ունեցել: Վնասի չափը մոտ 130 դոլար (ավելի քան 1 հազար հոնկոնգյան դոլար) է կազմել:
2019 թվականի դեկտեմբերի 31-ին Չինաստանի իշխանությունները հայտարարել էին Ուհան քաղաքում թոքաբորբի բռնկման մասին: Հիվանդության հարուցիչը կորոնավիրուսի նոր տեսակն է, որին տրվել է Covid-2019 պաշտոնական անունը:
