Հայաստանի Զինված ուժերի գլխավոր շտաբի պետ Արտակ Դավթյանը քիչ առաջ ժամանել է Ազգային ժողով: Նա հանդիպում է պատգամավորների հետ, որտեղ քննարկվելու է բանակում վերջին շրջանում տեղի ունեցած մտահոգիչ դեպքերը:
Փակ քննարկումը կազմակերպել են Ազգային ժողովի Պաշտպանության և անվտանգության հարցերի և Մարդու իրավունքների պաշտպանության և հանրային հարցերի մշտական հանձնաժողովները:
Պատգամավորների ու շտաբի պետի քննարկմանը ներկա են նաև Զինված ուժերի մի շարք բարձրաստիճան սպաներ:
ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտնեց, որ հանդիպումն ընթանալու է փակ ռեժիմով, սակայն վերջում իրենք կպատասխանեն լրագրողների հարցերին:
