Հայաստանում այսօր՝ փետրվարի 19-ին, նշվում է Գիրք նվիրելու օրը:
Օրվա ընտրությունը պայմանավորված է նրանով, որ 1869 թվականի փետրվարի 19-ին (հին տոմարով փետրվարի 7-ին) ծնվել է հայ մեծ բանաստեղծ ու գրող, ականավոր հասարակական գործիչ Հովհաննես Թումանյանը:
Այդ օրը Հայաստանում անցկացվում են տարբեր միջոցառումներ: Հայաստանում փորձում են վերականգնել պատմական ավանդույթները ու աճող սերնդին գրքերի նկատմամբ սեր ներարկել: Տոնական միջոցառումները ներառում են հրապարակային ընթերցանություններ, լուսավորչական ու մշակութային ակցիաներ, ընթերցողների հետ հայ գրողների հանդիպումներ: Եվ իհարկե, այդ օրը յուրաքանչյուրը կարող է հրաշալի նվեր մատուցել իր հարազատ մարդուն՝ գիրք նվիրել:
