Ֆինն լուսանկարիչ Քրիստիան Լեյնը Մեծ Բարիերային խութի ակվատորիայում հանդիպել է յուրատեսակ ձկան, որի անունը մանտու է, կամ հսկայական ծովային հրեշ (Manta birostris), որին «Տեսուչ Քլուզո» են անվանում։ Այդ անունը տվել են «վարդագույն հովազի» մասին երգիծական ֆիլմաշարի ոստիկանության տեսուչի պատվին, սակայն տվյալ դեպքում վարդագույնը հենց «տեսուչն» է՝ հսկայակն ձուկը, հայտնում է Nat-geo-ն։

Առաջին վարդագույն մանտուին՝ 3,3 մ երկարությամբ, նկատել են 2015թ․, եւ այն ժամանակներից նա միայն մի քանի անգամ է աչքի ընկել։ Ամենայն հավանականությամբ, մաշկի ոչ սովարական գույնը ինչ-որ գենետիկ մուտացիայի արդյունք է։ Հիմնական վարկածը էրիթրիզմն է՝ պիգմենտացիայի խախտումը կարմիրի, նարնջագույնի կամ վարդագույնի օգտին։ Դա կարող է առաջանալ կամ կարմիր պիգմենտի ավելցուկի կամ սեւի անբավարարության պատճառով, իսկ որոշ դեպքերում դրա պատճառը սնունդն է։ Թե ինչն է հատկապես Տեսուչ Քլուզոյին դարձրել վարդագույն, գիտնականները չգիտեն, եւ դա իր տեսակի միակ արարածն է այդպիսի մաշկի ծածկույթով։

Քրիստիան Լեյնը հիացմունքով է պատմում հազվագյուտ ծովային բնակչի հետ հանդիպման մասին։ Նա ձկանը հետեւել է մոտ կես ժամ՝ մեկ մետր տարածությունից, իսկ նա, թվում էր, ժպտացել է իրեն։ Եւ չնայած նրան, որ կենդանին տարբերվում է իր ցեղակիցներից, դա նրան չի խանգարում նորմալ կենսակերպ վարել։ Լեյնի խոսքերով՝ ձուկը նկատվել է այլ ծովային հրեշների խմբում ամուսնական ծեսի ժամանակ։