Առաջիկայում Հայաստանի Պետեկամուտների կոմիտեն մտադիր է նվազագույնի հասցնել մարդկային գործոնը հարկային ստուգումներ անցկացնելիս: Այս մասին փետրվարի 19-ին Ֆինանսավարկային եւ բյուջետային հարցերի մշտական խորհրդարանական հանձնաժողովի նիստին հայտարարեց ՀՀ Պետեկամուտների կոմիտեի նախագահ Դավիթ Անանյանը:
Նա, մասնավորապես, ներկայացրեց Կոմիտեի դիրքորոշումը Հաշվեքննիչ պալատի կողմից հարկային ոլորտում ռիսկերի մասով աուդիտի արդյունքների վերաբերյալ: Այդպես, ըստ Անանյանի, մարդկային գործոնի նվազագույնի հասցնելը համահունչ է ՊԵԿ-ի գործունեության հնգամյա ռազմավարությանը, որը Կառավարության կողմից հաստատվել է անցյալ տարվա դեկտեմբերին: «Ներկայումս անել դա գրեթե անհնար է: Նման գործոններից մեկը հենց Կոմիտեի ղեկավարն է, որը ստորագրում է այն անձանց ցուցակի տակ, որոնց հետ կապված ստուգումներ են նախատեսված»,- պարզաբանեց Անանյանը:
Ընդ որում, ինչպես նշեց Անանյանը, ապագայում նախատեսվում է ամբողջ գործընթացը տեղափոխել էլեկտրոնային ձեւաչափ, եւ հենց էլեկտրոնային համակարգն էլ կորոշի հարկային տեսուչին, որը կանցկացնի աուդիտը: Ընդհանուր առմամբ, ինչպես նշեց ՊԵԿ-ի նախագահ, ռազմավարության շրջանակներում նախատեսվում է 55 ծրագիր իրականացնել, որոնցից մեկն ուղղված է մարդկային գործոնը նվազագույնի հասցնելուն:
Նա հայտնեց, որ 2019-ին Կոմիտեն 1020 ստուգում է անցկացրել, ինչն ավելի քիչ է 2018 թվականի ցուցանիշից, որի ընթացքում 1166 ստուգում էր իրականացվել: Եթե 2018-ին հարկային վարչարարության արդյունքում 30 միլիարդ դրամ է վերադարձվել պետական բյուջե, ապա 2019-ին` 82 միլիարդ դրամ: Իսկ ստուգումներն հիմնականում անցկացվում են 19 ռիսկային խմբերում:
