News
Լրահոս
News
Երեքշաբթի
Մարտ 19
Տեսնել լրահոսը

Ռուսական «Аргументы и факты» թերթը անդրադարձել է Հայաստանի վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի միջեւ հրապարակային բանավեճին, որը տեղի ունեցավ անցյալ հանգստյան օրերին Մյունխենի անվտանգության համաժողովի շրջանակներում։

Թերթը, մասնավորապես, գրում է․ «Երկու երկրների միջեւ հարաբերությունները, ինչպես հայտնի է, ծայրահեղ լարված են, եթե չասենք թշնամական են։ Պատճառը Լեռնային Ղարաբաղի համար վեճն է։ Դե-յուրե այդ շրջանը Ադրբեջանի կազմում է, սակայն 90-ականներին պատերազմի հետեւանքով անցել է Հայաստանի վերահսկողության տակ։

Մյունխենում ե՛ւ Ի․ Ալիեւը, ե՛ւ Ն․ Փաշինյանը ձգտում էին համոզոլ միմյանց եւ լրագրողներին, որ միայն իր երկիրն ունի օրինական իրավունքներ Ղարաբաղի հանդեպ։ Երկուսն էլ դիմում էին պատմությանը։ Եւ անսպասելի վեճի ընթացքում հնչեց հղում մեր շաբաթաթերթին․ «1990-ականների կեսերին Ադրբեջանի նախագահ Այազ Մութալիբովը հարցազրույց է տվել ռուսական «Аргументы и факты» թերթին, որում ասել է, որ Խոջալուի (քաղաք ԼՂԻՄ-ում, որտեղ 1992թ․ փետրվարին սպանվել են մի քանի հարյուր ադրբեջանցիներ-խմբ․) սադրանքը կազմակերպել էր ադրբեջանական ընդդիմությունը, որպեսզի զրկի նրան իշխանությունից»,- ասաց Նիկոլ Փաշինյանը։ Մի քանի րոպե անց նա կրկին հիշեցրեց իր ընդդիմախոսին այդ պատմության մասին․ «Անձամբ ես եմ կարդացել «Аргументы и факты» թերթում Ադրբեջանի նախկին նախագահի հարցազրույցը։ Կարծում եմ՝ այն հեշտ կլինի գտնել ինտերնետում»։

Երբ Իլհամ Ալիեւը խոսք ստացավ, նա չանցավ Հայաստանի վարչապետի այդ փաստարկի կողքով։ «Չգիտեմ ինչ է գրված եղել «Аргументы и факты»-ում, -սկսեց նա,- «АиФ»-ը անկախ թերթ է, որտեղ աշխատում են շատ հայեր։ Եւ մենք Ադրբեջանում գիտենք, թե ինչ թվով հայեր են ղեկավարում ռուսական գլխավոր թերթերը։ Նրանք գրում են՝ ինչ ուզում են»։

Չխորանալով երկու հարգարժան քաղաքական գործիչների վեճի մանրամասների մեջ՝ նկատենք միայն, որ ««АиФ»-ում (եւ մանավանդ թերթի ղեկավարության մեջ) շատ հայերի մասին» Ալիեւի խոսքերը, մեղմ ասած, չեն համապատասխանում իրականությանը։ Եւ դա վերաբերում էինչպես այսօրվա խմբագրությանը, այնպես էլ 90-ականներին աշխատող լրագրողներին։ Ամենազավեշտալին այն է, որ սխալվեց նաեւ Հայաստանի վարչապետը՝ Մութալիբովի հիշատակված հարցազրույցը հրապարակվել է ոչ թե «АиФ»-ում, այլ «Независимая газета»-ում՝ 1992թ․։ Իսկ 1995թ․ «АиФ»-ին տված իր հարցազրույցում ադրբեջանցի քաղաքական գործիչը Խոջալուի ջարդի մասին ոչ մի նման բան չի ասել։

Սակայն միջազգային ասպարեզում մեր թերթի գովազդի համար շնորհակալություն ենք հայտնում պարոնայք Ալեւին եւ Փաշինյանին»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ