Պանամայի Ազգային օդածովային ծառայությունը (Senan) հայտնել է ինքնաշեն սուզանավի ձերբակալության մասին՝ 4 կոլումբիացիներից բաղկացած անձնակազմով, որը տեղափոխում էր 5 տոննա թմրանյութ, փոխանցում է «ՌԻԱ Նովոստի»-ն:
«Senan-ը Բոքաս դել Տորոյից հյուսիս-արեւելք սուզանավում առգրավել է ավելի քան 5 տոննա թմրանյութ: Գործով ձերբակալվել է Կոլումբիայի 4 քաղաքացի»,- Twitter-ում հայտնել է ծառայությունը:
Senan-ի մեկ այլ հաղորդման համաձայն՝ Պանամայի ջրերում ծովային թրաֆիքի պարեկման եւ վերահսկման գործողություններն ընթանում են Կոլումբիայի զինված ուժերի հետ համակարգմամբ:
Համացանցի օգտատերերը ծառայության գրառման մեկնաբանություններում նշում են, որ սա այդ կարգի խոշորագույն նավ է, որը ձերբակալվել է ապօրինի նյութերի ռեկորդային բեռով:
Կոկայի համաշխարհային պլանտացիաների 90 տոկոսից ավելին կենտրոնացած են, այսպես կոչված, «Անդյան թմրաեռանկյունիում», որի մեջ են մտնում Կոլումբիան, Պերուն եւ Բոլիվիան: Փոքր քանակությամբ կոկա է աճում Պանամայի, Էկվադորի պլանտացիաներում, Վենեսուելայի հարավ-արեւմուտքում եւ Բրազիլիայի հյուսիս-արեւելքում:
Cinco toneladas decomisaron las autoridades en una embarcación sumergible al noreste de la provincia de Bocas del Toro. Se aprehendieron a 4 colombianos. pic.twitter.com/lbppW77GtA
— FRECUENCIA INFORMATIVA (@frecuenciainfo1) February 19, 2020
