Ռուսաստանի Դաշնության Քննչական կոմիտեն տեսանյութ է հրապարակել Մագադանում Ան-2 ինքնաթիռի ծանր վայրէջքի վայրից, փոխանցում է «ՌԻԱ Նովոստի»-ն:
Կադրերում երեւում է, որ ինքնաթիռը խիստ դեֆորմացված է: Ընդ որում, ուղեւորների նստատեղերը վնասված են, իսկ օդաչուի խցիկում ձյուն կա:
Դեպքը տեղի է ունեցել հինգշաբթի առավոտյան: «Տ-Ցեմենտ» ոսկու հանքարդյունաբերական ընկերությանը պատկանող ինքնաթիռը ծանր վայրէջք էր կատարել թռիչքուղուց քիչ հեռու, ինչի արդյունքում ինքնաթիռի կմախքը եւ թեւերի մակերեւույթը փլուզվել էին: Ինքնաթիռում 14 մարդ կար: Նրանցից յոթը տուժել են, մեկը գտնվում է ծանր վիճակում:
