News
Լրահոս
News
Ուրբաթ
Ապրիլ 10
USD
493.1
EUR
536.59
RUB
6.66
ME-USD
0.03
Տեսնել լրահոսը


ՀՀ բարձր տեխնոարդյունաբերության նախարար Հակոբ Արշակյանի գլխավորած պատվիրակությունը աշխատանքային այց է կատարել Արցախի Հանրապետություն: Այս մասին հայտնում են ՀՀ բարձր տեխնոարդյունաբերության նախարարությունից։ Այցի շրջանակներում նախարարը հանդիպել է ԱՀ նախագահ Բակո Սահակյանին, ԱՀ պետական նախարար Գրիգորի Մարտիրոսյանին, ԱՀ էկոնոմիկայի և արտադրական ենթակառուցվածքների նախարար Լևոն Գրիգորյանին, ԱՀ անվտանգության խորհրդի քարտուղար Արշավիր Ղարամյանին, այցելել Արցախում գործող մի շարք ձեռնարկություններ:

ԱՀ նախագահ Բակո Սահակյանի հետ հանդիպման ընթացքում քննարկվել են Արցախում գիտատար ոլորտների զարգացմանը և այս համատեքստում հայկական երկու պետությունների փոխգործակցությանը վերաբերող մի շարք հարցեր, Արցախի և Հայաստանի զինված ուժերի, ռազմարդյունաբերական համալիրի կոորդինացված մոտեցման մշակման հնարավորություններ:

Հակոբ Արշակյանը հանդիպել է նաև ԱՀ պետական նախարար Գրիգորի Մարտիրոսյանին: Հանդիպմանը մասնակցել է նաև ԱՀ էկոնոմիկայի և արտադրական ենթակառուցվածքների նախարար Լևոն Գրիգորյանը: Քննարկվել են մի շարք ոլորտներում համագործակցությունն ամրապնդելու, ՀՀ բարձր տեխնոլոգիական ոլորտի զարգացման հաջողված փորձը տեղայնացնելու, Արցախի երիտասարդների մտավոր ներուժը լիարժեք օգտագործելու և այդ ուղղությամբ գործնական քայլերի իրականացմանը վերաբերող հարցեր:

Կողմերը կարևորել են նման ձևաչափով հանդիպումներն ու ոլորտային մասնագետների փոխայցելությունները, ինչը հնարավորություն կտա ապահովելու տեխնոլոգիական, ինժեներական կրթության, ռազմարդյունաբերության ոլորտներում և ձեռներեցության զարգացմանն ուղղված ծրագրերում Արցախի երիտասարդների ներկայացվածությունը:

Պայմանավորվածություն է ձեռք բերվել ոլորտային փոխգործակցությունը նոր հարթություն տեղափոխելու ուղղությամբ՝ որպես առաջին քայլ նշելով խնդիրները գույքագրելու անհրաժեշտությունը: Անդրադարձ է կատարվել նաև կապի հասանելիության և փոստային ծառայությունների ոլորտի զարգացման ծրագրերին:

Աշխատանքային այցի շրջանակներում ՀՀ ԲՏԱ նախարարն այցելել է նաև Արցախում գործող մի շարք ձեռնարկություններ, Արցախի տեղեկատվական տեխնոլոգիաների կենտրոն հիմնադրամ, ծանոթացել կենտրոնի սարքավորումների հագեցվածությանը, զրուցել աշխատակիցների հետ: Քննարկվել են ՏՏ ոլորտի մի շարք խնդիրներ, բիզնես ինկուբացիոն ծառայություններին և տեխնոլոգիական ձեռներեցության խթանմանը վերաբերող հարցեր:

!
Այս նյութը հասանելի է նաև   English
Տպել
Կարդացեք նաև
Ամբողջը
Ճապոնական երկնաքերի վրա ժամացույցը հաստատել է Էյնշտեյնի հիպոթեզը
Գիտնականները դրանք տեղադրել են Ճապոնիայի ամենաբարձ Tokyo Sky Tree երկնաքարի վրա՝ հողի մակերեսից 450 մ բարձրության վրա...
Թուրքիայի իշխանությունները մշակել են սոցցանցերը վերահսկելու նոր միջոց
Ընկերությունները, որոնք անում են դա, կարող են բախվել հանգամանքին, որ 30 օր անց դատարանի որոշմամբ նրանց թողունակությունը կկրճատվի երկու անգամ, այնուհետեւ եւս 95 տոկոսով…
ԱՄՆ սենատորներին կոչ է արվել հրաժարվել տեսակոնֆերանսների անցկացման համար Zoom հավելվածի օգտագործումից
Ապրիլի 3-ին The Washington Post-ը հայտնել էր, որ ծառայության միջոցով արված մասնավոր տեսազանգերի մի քանի հազար ձայնագրություն հասանելի է համացանցում...
Նախարարությունը հայտարարում է «Ծրագրավորման հիմունքներ» դասընթացի կազմակերպման մրցույթի մասին
Բարձր տեխնոլոգիաների ոլորտում գործունեություն ծավալող կազմակերպություններ...
Գերմանացի գիտնականները ստեղծել են շատ փոքր ինքնագնաց ռոբոտ
Մենք տեղադրել ենք միկրո եւ նանոչափսերով էլեկտրոնային բաղադրիչներ սիլիկոնային չիպի մակերեսին...
Գերմանիայում ռոբոտը հիշեցնում է սոցիալական հեռավորության պահպանման եւ պաշտպանական դիմակների մասին
Ինովացիոն թվային լուծումները ճգնաժամային իրավիճակների ժամանակ օգնում են ռիսկի խմբերի ավելի լավ պաշտպանությանը…
Ամենաշատ
Ֆոտոռեպորտաժներ