Կառավարության այսօրվա՝ փետրվարի 20-ի նիստում ԵՄ աջակցությամբ էներգախնայող համակարգերի ներդրման հարցի քննարկման ժամանակ վարչապետ Նիկոլ Փաշինյանն այն պատկերավոր ներկայացնելու համար անեկդոտ պատմեց։
«Էներգախնայողության թեման հանրության համար առավել հասանելի դարձնելու համար մի շատ հայտնի անեկդոտ կա, որ երբ խոսք է գնում, որ բենզինը թանկացել է, զրուցակիցներից մեկն ասում է․ «Ոչինչ, ես միշտ 1000 դրամի եմ լցնում»։ Էներգախնայողությունն իրականում այս անեկդոտը լրջացնելու մասին է:
Այսօր մենք բոլորս մեր տների ջերմացման եւ հովացման համար ծախսում ենք X գումար: Այդ գումարը կարող է նվազեցվել, եթե մենք լուրջ ներդրումներ անենք էներգախնայողության մեջ: Պատկերավոր ասած, եթե մենք բնակարանի ջեռուցման համար ծախսում ենք 1000 դրամ, ջերմախնայողության մեջ ներդրում անելու պարագայում կծախսենք, ենթադրենք, 700 դրամ, եւ օրինակ էներգակիրների թանկացումները լուրջ ազդեցություն չեն ունենա մեր ընտանիքի ծախսերի վրա»,-ասաց վարչապետը:
