Հայաստանի ԱԻՆ-ում, փետրվարի 20-ին, ժամը 21։51-ին Ճգնաժամային կառավարման ազգային կենտրոն ահազանգ է ստացվել, որ Երեւանի «Հրազդան» մարզադաշտի մոտակայքում` «Ran Oil» բենզալցակայանում, տեղի է ունեցել ՃՏՊ` ավտոմեքենան շրջվել է. տուժածներ չկան։
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ «Opel Astra G» մակնիշի ավտոմեքենան (վարորդի ինքնությունը չի հաջողվել պարզել) շրջվել է:
Փրկարարները հոսանքազրկել են ավտոմեքենան, փակել գազի բալոնի փականը եւ տեղափոխել քարշակին:
