News
Լրահոս
News
Կիրակի
Մարտ 29
USD
498.43
EUR
548.22
RUB
6.4
ME-USD
0.03
Տեսնել լրահոսը

Քաղաքացիները չպետք է մասնակցեն հակաօրինական եւ վտանգավոր հետեւանքներով լի այս հանրաքվեին: Այս մասին հայտարարություն է տարածել Վազգեն Մանուկյանի գլխավորած Ազգային ժողովրդավարական միությունը (ԱԺՄ):

Հայտարարությունում, մասնավորապես, ասվում է. «Ապրիլի 5-ին նախատեսվում է անցկացնել Հայաստանի Հանրապետության Սահմանադրության փոփոխությունների հանրաքվե, որի նպատակն է Սահմանադրական դատարանի յոթ անդամների լիազորությունների դադարեցումը։

Իշխանությունները հանրաքվեի անցկացումը պատճառաբանում են այն հանգամանքով, թե իբր Սահմանադրական դատարանն այս կազմով խոչընդոտ է կոռուպցիայի դեմ պայքարի եւ համակարգային բարեփոխումների իրականացման ճանապարհին։ Այս փաստարկը հիմնազուրկ է, քանի որ մինչ օրս Սահմանադրական դատարանը որեւէ խոչընդոտ չի առաջացրել այս իշխանությունների իրավական գործունեության համար։ Հետեւաբար հանրաքվե անցկացնելու իշխանությունների մղումները բոլորովին այլ պատճառներ ու նպատակներ ունեն։

«Ազգային ժողովրդավարական միություն» (ԱԺՄ) կուսակցությունը ԴԵՄ է հանրաքվեին հետեւյալ պատճառներով.

1.      Այս գործընթացն անօրինական է։ Հանրաքվեի անցկացման նախագծի ընդունումը տեղի է ունեցել ՀՀ Սահմանադրության եւ օրենքների կոպիտ խախտումներով, միջազգային իրավաստեղծ պրակտիկայի բացահայտ ոտնահարմամբ։

2.      Աշխարհի բոլոր կայացած ժողովրդավարական եւ իրավական պետություններում բարձրագույն դատական մարմիններն իրենց անկախությամբ իշխանությունների բաժանման համակարգում կարեւոր զսպող օղակ են՝ թույլ չտալու իշխանության եկած քաղաքական ուժերին երկրի օրենքները ծառայեցնել իրենց քաղաքական շահերին։ Այդ իսկ պատճառով միջազգային պրակտիկայում ձեւավորվել են հստակ չափորոշիչներ եւ սկզբունքներ, որպեսզի օրվա քաղաքական իշխանությունը հնարավորություն չունենա ազդեցություն ունենալ դատական իշխանության վրա  եւ կամայական փոփոխություններ անել դրա կազմում։

3.      Եթե, այնուամենայնիվ, հանրաքվեն կայանա եւ ստանա դրական արդյունք (ինչը, մեր համոզմամբ, հնարավոր չէ առանց կեղծիքների), ապա ի՞նչ հետեւանքներ այն կարող է ունենալ մեր երկրի համար.

•         կստեղծվի նախադեպ ցանկացած հարց անօրինական ճանապարհով լուծելու համար,

•         կոռուպցիայի դեմ պայքարի եւ քաղաքական նոր իրավիճակի անվան ներքո կընդունվեն օրենքներ, որոշումներ, որոնք էապես կսահմանափակեն մեր հասարակության իրավունքներն ու ազատությունները՝ ձեւավորելով մեկ ուժի բացառիկ գերիշխանություն եւ խոչընդոտելով մեր երկրի ու հասարակության զարգացումը։

Հաշվի առնելով այս ամենը՝ ԱԺՄ-ն գտնում է, որ կուսակցության անդամները եւ քաղաքացիները ՉՊԵՏՔ Է ՄԱՍՆԱԿՑԵՆ հակաօրինական եւ վտանգավոր հետեւանքներով լի այս հանրաքվեին։

Սիրելի՛ ժողովուրդ,

Այս հանրաքվեի նախաձեռնությունն ու անցկացումը ցույց են տալիս իշխանությունների պետական մտածողության մակարդակը, իսկ հանրաքվեի արդյունքը ցույց կտա մեր հասարակության, քաղաքական ուժերի հասունության աստիճանը եւ թե արդյո՞ք մենք պատրաստ ենք լուծել մեր երկրի ու ժողովրդի առջեւ ծառացած խնդիրներն ու մարտահրավերները եւ իրագործել մեր երազանքները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Ազգային ժողովն ավելացնելու է ծախսերը, աշխատավարձային ֆոնդն ավելանում է
Սակայն միայն աշխատավարձը չէ, որ, 2020 թվականի համեմատ, հաջորդ երեք տարիներին ավելանալու է...
Պետական միտքը աշխատում է բացառապես մեկ անձի PR-ի վրա. Մարինե Սուքիասյան
Ցավոք, չկա այնպիսի ժանր, երբ հնարավոր լինի ասել՝ խնդրում եմ՝ սա կարդան այս կամ այն շրջանակները և չկարդան մյուսները...
Փաշինյանի անձնական պաշտպանության տակ ոչ թե տաքսիստն է, այլ տրանսները. Կոնստանտին Տեր-Նակալյան
Այդ պահուստները 2.8 միլիարդ, որ Նիկոլն ասում է, չգիտեմ, ոնց որ հոր տնից է բերել, ինքնանպատակ չի, հենց նման ճգնաժամային պահերի համար է նախատեսված…
«Ժողովուրդ». ԲԴԽ անդամի թեկնածու Սուրեն Անտոնյանին հարցաքննության կկանչեն
Մեր տեղեկություններով՝ Արմեն Հարությունյանի կողմից կաշառքը վերցնելը կապված է եղել ոչ թե մեկ, այլ երկու քաղաքացիական գործով միջամտություն անելու հետ…
«Ժողովուրդ». Յուրի Խաչատուրովի «ապտակը»․ նա մերժեց ապրիլյան հանձնաժողովին
Ինչ վերաբերում է բարոյականի կողմին, ապա, նախ, կասկածի տակ է դրել ուղարկողների բարոյականությունը, ապա նշել, որ չի գալու...
«Փաստ». Ինչո՞ւ է Փաշինյանը պարբերաբար դուրս գալիս ափերից
Վարչապետի պաշտոնն ընդհանրապես, իսկ ճգնաժամային իրավիճակում...
Ամենաշատ