News
Լրահոս
News
Երեքշաբթի
Մարտ 19
Տեսնել լրահոսը

Համացանցում, այնուհետեւ լրատվամիջոցներում տարածվող «շների կողմից կծոտված» քաղաքացիների մասին տեղեկությունների ալիքից հետո Երեւանի Մալաթիա-Սեբաստիա շրջանից անհետացել են մոտ երկու տասնյակ շներ:

Ավելի վաղ NEWS.am-ը ներկայացրել էր իրավիճակը: Այսօր գործակալությունը իրավապաշտպաններին դիմեց՝ տեղեկացնելով շների անհետացման մասին:

Պարբերականի թղթակիցը նախ դիմեց քաղաքապետարանին առընթեր գործող թափառող կենդանիների վնասազերծման կենտրոն, որտեղ սկզբունքորեն հրաժարվեցին զրուցել եւ խնդրեցին դիմել քաղաքապետարանի մամուլի ծառայություն:

Քաղաքապետարանի մամուլի ծառայությունից հայտնեցին, որ մայրաքաղաքի եւ մասնավորապես նշված շրջանի բնակիչներից վերջին օրերին ստացվել են մեծ թվով կանչեր, ինչի հետ կապված քաղաքապետարանը պարտավոր է արձագանքել: Որպես կանխիչ միջոցառում շները (17-18 առանձնյակ) վերցվել են եւ տարվել կլինիկա՝ նրանց հնարավոր վտանգավորությունը որոշելու համար: Եթե փորձագետները որոշեն, որ կենդանիները վտանգ չեն ներկայացնում, նրանք կվերադարձվեն (բացառությամբ դեպքերի, երբ կենդանիները բնակվում են հանրակրթական հաստատությունների մերձակայքում): Ամեն դեպքում, քաղաքապետարանից միանշանակ հավաստիացնում են, որ առողջ կենդանիների քնեցում չի կատարվի: 

Այն, որ քաղաքապետարանը բազմաթիվ զանգեր է ստացել, միանգամայն բացատրելի է եւ շատ սպասելի համացանցում ծավալված հիստերիայից հետո: Քաղաքապետարանի արձագանքը եւս արդարացված է՝ քանի որ ահազանգ կա, այն ստուգելու կարիք ունի: Արդեն նշվեց, որ կենդանիները կլինիկա են տեղափոխվել, որտեղ նրանց զննելու են մասնագետները:

Իսկ ահա այդ պահից տեղի է ունենում ինչ-որ անհասկանալի բան: Ինչպես պնդում են տեղի ունեցողին մոտ աղբյուրները, կենդանիներին իսկապես կլինիկա են տեղափոխել, բայց հիմա որոշ կենդանիներ այնտեղ չեն, եւ ոչ մեկը հոդաբաշխ պատասխան չի տալիս, թե շներն ուր են կորել: Արդյոք նրանք զննվել եւ բա՞ց են թողնվել: Քանի որ, ինչպես պնդում են շրջանում բնակվող կենդանիների պաշտպանները, շների մեծ մասը որսվել է օղակաձեւ խաչմերուկի շրջանում, եւ մարդկանց սպառնալիք չեն ներկայացնում: Կենդանիների հետագա ճակատագիրն ինչպիսի՞ն է եղել: NEWS.am-ն ակնկալում է այս հարցին կենտրոնի կամ կլինիկայի ղեկավարության արագ արձագանքը՝ հրապարակման եւ կենդանիների պաշտպանների հանրույթին ու պարզապես կենդանիներ սիրողներին տեղեկացնելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաշատ