News
Լրահոս
News
Ուրբաթ
Ապրիլ 10
USD
493.1
EUR
536.59
RUB
6.66
ME-USD
0.04
Տեսնել լրահոսը

ԱԱԾ-ում տվյալներ են ստացվել կեղծ օգտատերերի միջոցով ահաբեկչության կոչերի տարածման վերաբերյալ:

Այս առնչությամբ, ԱԱԾ-ի տարածած հաղորդագրությունում ասվում է.

«ՀՀ ազգային անվտանգության ծառայությունը, հավատարիմ մնալով քաղաքացիների հիմնարար սահմանադրական իրավունքները ներքին եւ արտաքին սպառնալիքներից պաշտպանելու գործառութային սկզբունքին, ազգի ու դրա առանձին խմբերի ներկայացուցիչների հանդեպ դրսեւորված ծայրահեղական՝ անհանդուրժողականություն եւ ատելություն սերմանող, վստահությունն ու հարգանքը խարխլող գործողությունները դիտարկելով որպես ազգային անվտանգությանը սպառնացող բացառիկ վտանգ եւ այդ առումով մշտադիտարկման ներքո պահելով տեղեկատվական տիրույթը եւ մամուլում հրապարակումները, անկախ դրանց հեղինակների քաղաքական ընդդիմադիր կամ իշխանամետ կողմնորոշման, օրենքով իրեն վերապահված գործառույթների շրջանակներում ձեռնարկված օպերատիվ-հետախուզական միջոցառումների եւ քննչական գործողությունների արդյունքում ստացել է փաստական տվյալներ, որ «www.facebook.xn--com-3ga սոցիալական ցանցում մտացածին կամ իրական անուններով բացված մի շարք անհատական էջերի 3 օգտատեր 2019 թ. նոյեմբերից մինչեւ 2020 թ. փետրվարն ընկած ժամանակահատվածում բաց հարթակում հրապարակայնորեն կատարել են ազգային արժանապատվությունը նվաստացնելուն ուղղված գործողություններ, ինչպես նաեւ ահաբեկչության հրապարակային կոչեր՝ օգտատերերի լայն լսարանի առջեւ քարոզելով նախկին եւ ներկայիս քաղաքական եւ հասարակական գործիչների, սոցիալական խմբերի հանդեպ բռնությամբ զուգորդված գործողությունների կատարում, որն առաջացրել է դրանց կատարման իրական վտանգ:

Հիշյալ արարքներ կատարելիս ենթադրյալ հանցագործություն կատարած անձինք թույլ են տվել վիրավորական եւ նշավակող արտահայտություններ հայ ժողովրդի բացարձակ արժեքների՝ Հայոց լեզվի եւ բանակի վերաբերյալ, բռնության կոչերով հանդերձ հրապարակել են ինչպես ՀՀ իշխանության, Արցախի Հանրապետության բարձրաստիճան պաշտոնյաների, այնպես էլ Հայաստանի Հանրապետության 1-ին եւ 2-րդ Նախագահների պատիվն ու արժանապատվությունը նվաստացնող ծաղրանկարներ։

Առերեւույթ հանցագործության դեպքերի առթիվ ՀՀ ԱԱԾ քննչական դեպարտամենտում հարուցվել է քրեական գործ ՀՀ քրեական օրենսգրքի համապատասխան հոդվածներով։

Նախաքննական մարմինը ձեռնարկում է համապատասխան միջոցառումներ հիշյալ օգտատերերի կապերի շրջանակը պարզելու, այլ հանցադեպերը բացահայտելու եւ հնարավոր վտանգները չեզոքացնելու ուղղությամբ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Աֆղանստանում 6 երեխա է զոհվել ճամփեզրին տեղի ունեցած պայթյունի հետեւանքով
Զոհերը մի ընտանիքի անդամներ էին…
Զինյալները հարձակվել են Քաբուլում տաճարի վրա
Խոսքը սիկհերի աղոթատեղիի վրա հարձակման մասին է...
«Աշ Շաբաբ» ահաբեկչական խմբավորման առաջնորդը ոչնչացվել է Սոմալիում ավիահարվածի արդյունքում
2008 թվականին ԱՄՆ-ը 5 մլն դոլարի չափով պարգեւատրում էր խոստացել Քորգաբի գտնվելու վայրի մասին տեղեկատվության համար...
Սիրիական գործակալությունը հաղորդում է ահաբեկիչների կողմից հրադադարի ռեժիմը խախտելու մասին
Գործակալությունը նշում է, որ վերջին օրվա ընթացքում հրադադարի ռեժիմն ահաբեկիչների կողմից խախտվել է 19 անգամ...
Սիրիայի Իդլիբում եւս մեկ թուրք զինվոր է սպանվել
Պուտին–Էրդողան բանակցությունների ընթացքում...
Չենք գործելու ի վնաս Հայաստանի. ԱԺ-ում քննարկել են Ահաբեկչության դեմ պայքարի համաձայնագիրը
Խոսքը, մասնավորապես, Ադրբեջանին տրամադրվող տեղեկության մասին է, որը նույնպես ԱՊՀ անդամ է…
Ամենաշատ
Ֆոտոռեպորտաժներ