Ամերիկյան Միչիգան նահանգի ոստիկանությունը, որը եկել է փրկելու «վիրավոր շանը», Սաութ Լայոնի միջնակարգ դպրոցի մոտ բեւեռաղվես է հայտնաբերել, գրում է UPI-ը։

Ոստիկանները միայն բռնելուց հետո են հասկացել, որ կենդանին շուն չէ։ Ինչպես հայտարարել են ոստիկանությունում, գազանիկին տարել են Բնության պահպանության կենտրոն։

Պարզվել է, որ այդ վայրերի համար էկզոտիկ համարվող բեւեռաղվեսի անունը Հանդի է, եւ շուտով նրան կվերադարձնեն տիրոջը։