News
Լրահոս
News
Երկուշաբթի
Հուլիս 22
Տեսնել լրահոսը

Այսօր՝ փետրվարի 22-ին, խոշոր ավտովթար է տեղի ունեցել Երևանում։

Shamshyan.com-ի հաղորդմամբ ժամը 15։30-ի սահմաններում «ԳԱԶ 53» մակնիշի 95 VP 900 համարանիշի ավտոմեքենայի վարորդը Գայի պողոտա-Մյասնիկյան-Խուդյակով փողոցների խաչմերուկում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել «Մեծ անիվ» ընկերության ավտովերանորոգման և «Մաքս Օյլ» բենզալցակայանի հարևանությամբ գտնվող բետոնե սալիկապատ հատվածին և առաջ ընթանալով՝ կողաշրջվել։

Վթարի հետևանքով վարորդը, ով իրեն դուրս է նետել ավտոմեքենայից, քաղաքացիների օգնությամբ տեղում առաջին օգնությունն է ստացել, ապա օպերատիվորեն ժամանած Երևանի 1-3 շտապօգնության բժիշկների հերթապահ խումբը նրան տեղափոխել է թիվ 1 համալսարանական հիվանդանոց։

Օպերատիվորեն դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները՝ ավագ տեսուչ Արտակ Սարգսյանի գլխավորությամբ։ Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Հակոբ Մաշչյանը տեղեկությունը փոխանցել է ՃՈ հետաքննչական բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի և հետաքննիչ Գեղամ Սարգսյանի գլխավորությամբ։ Ոստիկանությունը պարզում է վարորդի ինքնությունը։

Ավտոմեքենան շահագործվում է որպես քարշակ, որի վրա բարձված է եղել տրակտոր, և մինչ սալիկապատ բետոնե հատվածին բախվելը, նա բախվել է 3 այլ տրանսպորտայիյն միջոցի, իսկ կողաշրջվելուց հետո ավտոմեքենայի վրա տեղադրված գազաբալոններից 3-ը պոկվել և մոտ 50 մետր շպրտվել են՝ վնասելով Ford մակնիշի 36 RՍ 723 համարանիշի ավտոմեքենան։

Օպերատիվորեն ժամանել են նաև Արտակարգ իրավիճակների նախարարության Փրկարար ծառայության հրշեջ փրկարարական ջոկատը՝ 2 մարտական հաշվարկով, ովքեր հոսանքազրկել են ավտոմեքենաները, սահմանազատել տարածքն ու կատարել լվացման աշխատանքներ։ Վիրավորին նաև առաջինը օգնության են հասել նշված բենզալցակայանի աշխատակիցները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Տղամարդու փախուստի փորձը կանխվել է, ատրճանակը հայտնաբերվել է. տղամարդը դիմադրություն է ցույց տվել
Վանաձոր քաղաքի բնակիչ 40-ամյա տղամարդը և կազմված փաստաթղթերը...
Մեքսիկայում սպանվել է մայրաքաղաքի ոստիկանության հետախուզության ղեկավարը
Ցավով հայտնում եմ, որ իմ գործընկերն ու ընկերը՝ Անվտանգության գլխավոր հանձնակատար Միլթոն Մորալես...
Կրակոցներ Խորվաթիայի ծերանոցում. առնվազն հինգ մարդ է զոհվել
Խորվաթ լրագրողները հայտնել են, որ կրակը բացել է նախկինում ռազմական գործողությունների մասնակցած՝ 1973 թվականին ծնված տղամարդը...
Փրկարարները Սևանա լճից դուրս են բերել քաղաքացիներին և ջրային սկուտերը
Հուլիսի 22-ին, ժամը 15:19-ին Գեղարքունիքի մարզային փրկարարական վարչության…
Նոր Գեղի-Արգել ճանապարհին «Մերսեդեսը» դուրս է եկել ճանապարհից ու շրջվել. կան տուժածներ
Հուլիսի 22-ին, ժամը 14:11-ին Կոտայքի մարզային փրկարարական վարչության…
Նշված օրը նույն ինքնաթիռով տեղի է ունեցել 4 ուսումնավարժական թռիչք. ՔԿ-ն՝ ինքնաթիռի վթարի մասին
Քրեական վարույթով նախաքննությունը շարունակվում է, կատարվում են մեծածավալ քննչական և վարութային այլ գործողություններ՝ վթարի պատճառները, սահմանված...
Ամենաշատ