ԱՄՆ նախագահ Դոնալդ Թրամփը կնոջ՝ Մելանյայի հետ Հնդկաստան այցի շրջանակում այցելել է հռչակավոր Թաջ Մահալ:
Ագրա թռիչքի ժամանակ Թրամփը Air Force One օդանավում լրագրողներին ասել է, որ երբեք չի եղել 17-րդ դարի պաշտամունքային դամբարանում, բայց լսել է, որ այն «աներեւակայելի» է: Թրամփը եւ ԱՄՆ առաջին տիկինը ՅՈՒՆԵՍԿՕ-ի համաշխարհային ժառանգության օբյեկտ են ժամանել հենց այն պահին, երբ արեւն արդեն մայր էր մտնում:
Օդանավակայանից ճանապարհին մարդկանց բազմությունը թափահարում էր հնդկական եւ ամերիկյան փոքր դրոշները: Երթուղու երկայնքով պաստառներ էին դրված Թրամփի եւ վարչապետ Նարենդրա Մոդիի պատկերներով:
Air Force One օդանավը վայրէջք է կատարել Ագրայի օդանավակայանում, Թրամփը եւ նրա շրջապատը անցել են ասֆալտի վրայի կարմիր արահետով, վառ հանդերձանքով պարողները սիրամարգ են կատարել: Պարողներն ու երաժիշտները երաժշտական գործիքներ են նվագել եւ հարվածել թմբուկներին:
ԱՄՆ նախագահին ուղեկցում էին նաեւ նրա դուստր Իվանկան եւ փեսա Ջարեդ Քուշները:
