Մենք խորհրդակցում ենք ՀՀ առողջապահության նախարարության հետ և պետք է իրենցից համապատասխան միջնորդություն լինի, որպեսզի դասապրոցեսի դադարեցման մասին որոշում կայացնենք: Այս մասին այսօր՝ փետրվարի 24-ին, ԱԺ-ում լրագրողների հետ զրույցում ասաց ՀՀ կրթության, գիտության, մշակույթի, սպորտի նախարար Արայիկ Հարությունյանը՝ անդրադառնալով հարցին, արդյո՞ք կորոնավիրուսի ռիսկերով պայմանավորված չեն պատրաստվում հետաձգել դասապրոցեսը:
Արայիկ Հարությունյանը հիշեցրեց, որ այս պահին որևէ դեպքի վերաբերյալ տեղեկություն չկա:
Ինչ վերաբերում է H1N1-ին, ապա նախարարն ասել է, որ տեղեկություններ ունեն, որ առանձին դպրոցներում բացակայությունների բարձր ֆոն կա, բայց առողջապահության նախարարությունը պետք է միջնորդի դասապրոցեսը դադարեցնելու համար:
