News
Լրահոս
News
Շաբաթ
Մարտ 28
USD
498.43
EUR
548.22
RUB
6.4
ME-USD
0.03
Տեսնել լրահոսը

Մահացել է Երկիր մոլորակի ամենատարեց տղամարդը` Ճապոնիայի 112-ամյա բնակիչ Տիտեցու Վատանաբեն, հայտնում է ՏԱՍՍ-ը` վկայակոչելով տեղական լրատվամիջոցները:
Նշվում է, որ ճապոնացի երկարակյացը մահացել է փետրվարի 23-ին, սակայն այդ մասին հայտնի է դարձել միայն հիմա: Վատանաբեն ծնվել է 1907-ի մարտի 5-ին Նիգիգատա պրեֆեկտուրայի Դզեէցու քաղաքում ՝ գյուղացիների ընտանիքում: Երբ ճապոնացին ավարտել է գյուղատնտեսական դպրոցը, տեղափոխվել է Թայվան` շաքարավազի արտադրությամբ զբաղվող ընկերության համար աշխատելու նպատակով:

Ավելի վաղ` փետրվար ամսվա սկզբին, Վատանաբեն աշխարհի ամենատարեց մարդն էր ճանաչվել եւ հայտնվել էր Գինեսի ռեկորդների գրքում: Այդ ժամանակ լրագրողների հետ զրույցում ճապոնացին բացահայտել էր իր երկարակեցության գաղտնիքը: Նա խորհուրդ էր տվել շատ ժպտալ եւ երբեք չզայրանալ: Մինչեւ անցած ամառ երկարակյացն ամեն օր վարժություններ էր անում, զբաղվում մաթեմատիկայով ու գեղագրությամբ:

 

!
Այս նյութը հասանելի է նաև   Русский
Տպել