Նախատեսվում է քննարկել մի նախագիծ, որը համապատասխանում եւ բխում է հայ հասարակության շահերից: Այս մասին փետրվարի 25-ին Պետաաիրավական հարցերի մշտական խորհրդարանական հանձնաժողովի կողմից կազմակերպված Հայաստանի դատական օրենսգրքի բարեփոխումների եւ հարակից օրենքների քննարկման ժամանակ ասաց հանձնաժողովի ղեկավար, իշխող «Իմ քայլը» դաշինքից պատգամավոր Վլադիմիր Վարդանյան:
Ըստ նրա` դատական նոր բարեփոխումները նոր ժողովրդավարական Հայաստանի զարգացման կարեւորագույն բաղադրիչն են: «Պատահական չէ, որ մենք այդքան մեծ ուշադրություն ենք դարձնում դատական համակարգում իրականացվող բարեփոխումների գործընթացին»,- ասաց հանձնաժողովի ղեկավարը` շեշտելով, որ բարեփոխումը պետք է շարունակաբար իրականացվի` դրա արդյունավետության բարձրացման եւ ժամանակակից իրողություններին բավարարելու ու նոր մարտահրավերներին դիմակայելու համար:
Նշենք, որ լսումներին մասնակցում են ինչպես խորհրդարանականներ, անյպես էլ Կառավարության, տարբեր հասարակական կազմակերպությունների ներկայացուցիչներ և իրավապաշտպաններ:
