Դատավորը կալանքի անօրինական որոշումը չեղարկելու եւ իրավիճակից պատվով դուրս գալու շանս ունի: Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի կրտսեր որդին՝ Լեւոն Քոչարյանը:
«Մեկ տարուց ավելի հայրս գտնվում է անօրինական կալանքի տակ: Դա նոր շանս է դատավորի համար՝ դադարեցնելու անօրինական կալանքը, վերանայելու խափանման անօրինական միջոցը եւ ինչ-որ չափով պատվով դուրս գալու իրավիճակից»,- ասաց նա՝ մեկնաբանելով Ռոբերտ Քոչարյանի համար Հայաստանի եւ Արցախի նախկին վարչապետների անձնական երաշխավորության նախաձեռնությունը: Միեւնույն ժամանակ, Լեւոն Քոչարյանը ճնշում կանախատեսեց, որը պետք է հաղթահարել:
Երեկ հայտնի է դարձել, որ Հայաստանի նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը եւ Արցախի նախկին վարչապետ Անուշավան Դանիելյանը մտադիր են անձնական երաշխավորություն ներկայացնել Ռոբերտ Քոչարյանի համար:
Ավելի վաղ նրա համար երաշխավորել են Արցախի գործող եւ նախկին նախագահները: Առաջին ատյանի դատարանի որոշումը բեկանվել էր Վերաքննիչ դատարանում:
