Ղազախստանի առաջին նախագահ Նուրսուլթան Նազարբաեւը Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչի հետ հանդիպման ժամանակ կարծիք է հայտնել Եվրամիության հետ Եվրասիական տնտեսական միության իտեգրացիա անցկացնելու անհրաժեշտության մասին, փոխանցում է «ՌԻԱ Նովոստի»-ն:
«ԵՏՄ-ն այս տարիների ընթացքում հաջողությամբ զարգանում է: Նրա հանդեպ ակտիվ հետաքրքրություն են դրսեւորում մի շարք երկրներ: Մեկն ուզում է դիտորդ լինել, մյուսը միությանն անդամակցել: Մեծ աշխատանք է սպասվում, այդ թվում՝ Եվրամիության հետ ինտեգրացիայի զարգացման ուղղությամբ»,- հայտարարել է նա:
Հանդիպման ժամանակ կողմերը նաեւ քննարկել են ԵՏՄ շրջանակում պետությունների փոխհարաբերությունների հետագա զարգացումը:
Նազարբաեւը, որը ԵՏՄ պատվավոր նախագահն է, զրուցակցին հավաստիացրել է, որ նրան բազմակողմանի օգնություն կցուցաբերի միության ամրապնդման հարցերը լուծելիս:
