News
Լրահոս
News
Երկուշաբթի
Հունիս 24
Տեսնել լրահոսը

ՄԻԵԴ-ը կասկածի տակ է առել Խոջալուի դեպքերի ադրբեջանական վարկածը: Այս մասին «Խոջալու 28» քննարկումների ժամանակ ասաց լրագրող, Լեռնային Ղարաբաղի հակամարտության փորձագետ Մարինա Գրիգորյան:

Նա հիշեցրեց ՄԻԵԴ-ի` ադրբեջանցի լրագրող Էյնուլա Ֆաթուլաեւի գործով որոշման գոյության մասին, ով այցելել էր Ղարաբաղ եւ հոդված էր գրել տեսածի վերաբերյալ: Մասնավորապես, լրագրողը նշել էր, որ հայկական կողմը մարդասիրական միջանցք է ապահովել Խոջալուի բնակիչների համար: «Նրան ձերբակալել են, բայց հիմա խոսքը դրա մասին չէ: ՄԻԵԴ-ի որոշման մեջ նշվում է, որ իրադարձությունները չեն հետաքննվել եւ կա որոշակի անորոշություն: ՄԻԵԴ-ը փաստացի ասում է, որ առնվազն ապացուցված չէ եւ ամեն ինչ միանշանակ չէ եւ որ չի կարելի մեղքը հայկական կողմի վրա դնել»,- ասաց Մարինա Գրիգորյանը:

Փորձագետը շեշտեց, որ Խոջալուի օպերացիայի պատճառների մասին քիչ է խոսվում: «Սարսափելի, աղետալի իրավիճակ էր, որում հայտնվել էր Ստեփանակերտը: Շրջափակման մեջ: Հնարավոր չէր սնունդ, վառելիք, անգամ ջուր եւ դեղեր հասցնել: Եվ միեւնույն ժամանակ կրակոցներ, օրվա ընթացքում մի քանի անգամ: Իրավիճակը աղետալի էր քաղաքում գտնվող 30 հազար փախստականի եւ 50 հազար բնակչության համար: Արցախի մայրաքաղաքին ֆիզիկական ոչնչացում էր սպառնում: Դա կանխելու համար իրականացվեց Խոջալուի գրավման օպերացիան, քանի որ այնտեղ էր գտնվում Ղարաբաղի միակ օդանավակայանը: Այս օպերացիան գոյատեւման միջոց էր: Հայկական կողմը թույլ չտվեց Ստեփանակերտի ֆիզիկական ոչնչացումը»,- ասաց Մարինա Գրիգորյանը:

Լրագրողը, մեկնաբանելով «Նեզավիսիմայա գազետա»-յում արված հրապարակումը, լրագրողն այն ծիծաղելի եւ անհեթեթ անվանեց: «Հրապարակումը լի է անհեթեթություններով, անհամապատասխանություններով, աբսուրդային փաստարկներով ու ենթադրություններով»,- ասաց Գրիգորյանը:

Նա նաեւ հայտնեց, որ «Սովորական ցեղասպանություն» ծրագրի շրջանակներում ավելի քան 10 վավերագրական ֆիլմ է նկարահանվել, այդ թվում` երկու ֆիլմ Սումգայիթի դեպքերի մասին: «Բայց հարցը ոչ միայն հավաքագրման եւ ստեղծման մեջ է, այլեւ` փաստերի տարածման: Այ սա արդեն խնդիր է: Օրինակ, ՀՀ առաջին նախագահի օրոք դիվանագետներին եւ լրագրողներին ընդհանրապես կարգադրվել էր լռել»,- նշեց Մարինա Գրիգորյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Համահայկական միության՝ Մարաղայի կոտորածի տարելիցին նվիրված նամակը տարածվել է որպես ՄԱԿ-ի պաշտոնական փաստաթուղթ
«Գարդման, Շիրվան, Նախիջևան» համահայկական միության՝ Մարաղայի կոտորածի 32-րդ տարելիցին նվիրված նամակը տարածվել է որպես ՄԱԿ-ի պաշտոնական...
Մարաղայի ջարդերը հայերի նկատմամբ ատելության և թշնամանքի քաղաքականության հերթական դրսևորումն է. հայտարարություն
Մարաղայի ջարդերը հայերի նկատմամբ ատելության և թշնամանքի ադրբեջանական…
Արցախի պատգամավորներին կշտամբել եմ իրենց թուլակամության համար․ Սերժ Սարգսյան
Թուլակամությունը կայանում էր նրանում, որ մամուլը ինչպես գրել էր, որ Քառօրյա պատերազմի ընթացքում Լաչինի միջանցքով մեծ խցանումներ․․․
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Ամենաշատ
Ֆոտոռեպորտաժներ