News
Լրահոս
News
Հինգշաբթի
Ապրիլ 09
USD
496.58
EUR
539.43
RUB
6.56
ME-USD
0.04
Տեսնել լրահոսը

Հայաստանի եւ հայ ժողովրդի ամբողջ պատմության ընթացքում մեր եվրոպամետ դիրքորոշումը մշտապես բախվել է այլ կարգի կողմնորոշումներին: Այս մասին այսօր՝ փետրվարի 26-ին, ՀՀ-ԵՄ Համապարփակ եւ ընդլայնված գործընկերության համաձայնագրի իրականացման գործընթացի թեմայով ԱԺ եվրոպական ինտեգրման հարցերի մշտական հանձնաժողովի նախաձեռնած լսումների ժամանակ ասաց բանասեր Նարինե Դիլբարյանը:

Բանասերի կարծիքով՝ արժեքային մոտեցումների առումով համապատասխան ուղերձներ է անհրաժեշտ ուղարկել ոչ միայն Հայաստանի եվրոպացի գործընկերներին, այլ նաեւ հայ հանրությանը:

«Ես տեսնում եմ, որ մեր հանրության տարբեր շերտեր զանազան տագնապներ ունեն՝ կապված էներգետիկ անվտանգության եւ տնտեսական խնդիրների հետ»,- ասաց Դիլբարյանը:

Նա վստահ է, որ «Արեւելյան գործընկերություն» պլատֆորմը պետք է հայ հանրությանը ցույց տա, որ մարդու իրավունքներից եւ ազատություններից վեր ոչինչ չկա, եւ որ չի կարելի այս հարցերում զիջումների գնալ:

Բանասերի կարծիքով՝ Հայաստանը եւ հայ հանրությունը չպետք է վախենան ձգտել եվրոպամետ կողմնորոշման:

Մամուլի ազգային ակումբի նախագահ Նարինե Մկրտչյանն իր հերթին ավելի հեռուն գնաց եւ հայտարարեց, որ ԵՄ-ի ու ԵՏՄ-ի միջեւ երկխոսության եւ հարաբերությունների հաստատման համար որպես կամուրջ հնարավոր օգտագործման գաղափարը միֆ է, քանի որ «չի կարող կամուրջ լինել առաջընթացի եւ հետընթացի միջեւ», «ժողովրդավարական եւ ավտորիտար համակարգերի» միջեւ:

Սակայն Մկրտչյանի կարծիքով՝ կա եւս մեկ միֆ, որն, ըստ էության, առաջինի շարունակությունն է: Նրա խոսքով՝ գաղափարն այն է, որ Հայաստանը կարող է համագործակցել ինչպես Եվրամիության, այնպես էլ ԵՏՄ-ի հետ:

«Ըստ էության, Հայաստանն արդեն արել է իր ընտրությունը, եւ նրա միակ ընտրությունը դեռեւս Ռուսաստանն է»,- նշեց Մկրտչյանը:

Ընդ որում՝ նա կարծիք հայտնեց, որ «Ռուսաստանից Հայաստանի ռազմաքաղաքական կախվածությունն էապես նվազեցնում է Հայաստանի հնարավորությունները եվրոպական տարբեր կառույցների հետ համագործակցության հարցերում»:

Հարկ է նշել, որ գրեթե բոլոր ելույթ ունեցողները խոսեցին եւ հիշեցին Հայաստանի եւ Եվրոպայի հազարամյա կապերի, հայկական մշակույթի եվրոպական արմատների եւ «հայ ժողովրդի եվրոպական էության» մասին, չմոռացան նաեւ Բրյուսելից ժամանած հյուրերին ակնարկել արեւմտյան եւ ընդհանուր առմամբ եվրոպական մշակույթի զարգացման գործում հայ ժողովրդի զգալի ներդրումի մասին: Միեւնույն ժամանակ, ոչ ոք չհիշեց 600 տարի շարունակ՝ մինչեւ 1918 թվականը, իր պետականությունից գրեթե զրկված հայ ժողովրդի պատմության եւ մշակույթի վրա պարսկական, թյուրքական եւ ռուսական ազդեցության մասին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն Հայաստանին կտրամադրի ընդհանուր առմամբ 92 մլն եվրո աջակցություն
ԵՄ-ն Հայաստանին կտրամադրի ընդհանուր առմամբ 92 մլն եվրո աջակցության ՝ անհետաձգելի և կարճաժամկետ կարիքների համար...
Եվրագոտու տնտեսությունը 2020 թվականին կորոնավիրուսի պատճառով կարող է կրճատվել 10 տոկոսով. Reuters
Համաճարակի հետեւանքով առաջացած տնտեսական ճգնաժամի հաղթահարման համար կարող են մինչեւ 1.5 տրիլիոն եվրոյի չափով միջոցառումներ պահանջվել...
Եվրախմբին չի հաջողվել 500 մլրդ եվրոյի չափով ԵՄ տնտեսության վերականգնման ծրագրի շուրջ համաձայնության հասնել
16 ժամ տեւած բանակցությունների հետ մենք չկարողացանք համաձայնության հասնել...
La Repubblica. Իտալիայում որոշ քաղաքական գործիչներ իջեցրել են ԵՄ դրոշները՝ բողոքելով համերաշխության պակասից
Իտալիայում պանդեմիայի առաջին օրերից ի վեր վարակվածների ընդհանուր թիվը կազմել է 115 242 մարդ, որոնցից շուրջ 14 հազարը մահացել է, իսկ ավելի քան 18 հազարն՝ ապաքինվել...
ԵՄ անդամ պետությունները բանակցություններ են վարում Զատիկից հետո սահմանները փակ պահելու անհրաժեշտության շուրջ
«Մենք խորհրդակցություններ ենք անցկացնում անդամ պետությունների հետ այն մասին, թե ինչպես գործել Զատիկից հետո...
ԵՄ-ն 100 մլրդ եվրո կհատկացնի կարանտինի պայմաններում զբաղվածության պահպանման համար
«SURE անվանմամբ համերաշխության նոր գործիքի օգնությամբ կտրամադրենք 100 մլրդ եվրո...
Ամենաշատ
Ֆոտոռեպորտաժներ