Ես չեմ ճանաչում է տվյալ կազմակերպություններին, կամ մանիպուլյացիաներ չեն կարող անել, թե նախկինների նկատմամբ պատժիչ քայլեր են արվել։ Այս մասին այսօր՝ փետրվարի 27-ին, լրագրողների հետ զրույցում ասաց Սանասարյանը։
«Ես սկզբից հիշեցի «Միմինո» կինոն, Ֆրունզիկի հայտնի ասածը՝ «кто этот потерпевший»: Ամենասկզբից մտածում էի՝ ի՞նչ կապ ունեմ այս գործի հետ, ինչ են քննում, որտեղ ենք հայտնվել։ Պարզ է, որ դատարանում ենք, բայց ինձ հետ կապ չունեցող պրոցես է։ Իմ նպատակը եղել է բացառապես օրենքի տառն ապահովելը։ Ես ոչ ճանաչում եմ տվյալ կազմակերպություններին, կամ մանիպուլյացիաներ չեն կարող անել, որ նախկինների նկատմամբ պատժիչ քայլեր են»։
Նշենք, որ Երեւանի ընդհանուր իրավասության դատարանում, նախագահությամբ՝ դատավոր Դավիթ Բալայանի, այսօր` փետրվարի 27-ին ընթանում է Պետական վերահսկողական ծառայության պետ (լիազորությունները ժամանակավորապես կասեցված են) Դավիթ Սանասարյանի եւ ՊՎԾ նախկին աշխատակիցների գործով դատաքննությունը։
Նշենք, որ այս գործով ամբաստանյալի կարգավիճակում են Դավիթ Սանասարյանը, ՊՎԾ նախկին պաշտոնյաներ Գեւորգ Խաչատրյանը, Սամվել Ադյանը եւ վերջինիս ընկերը՝ «Զորաշեն» ՍՊԸ-ի փաստացի ղեկավար Տարոն Ավետիսյանը։
Ըստ մեղադրական եզրակացության՝ Դավիթ Սանասարյանն իր պաշտոնեական դիրքն օգտագործել է ծառայության շահերին հակառակ, ինչպես նաեւ չի կատարել իր ծառայողական պարտականությունները: