News
Լրահոս
News
Շաբաթ
Դեկտեմբեր 04
Տեսնել լրահոսը

Եվրասիական տնտեսական հանձնաժողովի (ԵԱՏՀ) Խորհրդի նախագահ Միխայիլ Մյասնիկովիչն հայտարարել է, որ Եվրասիական տնտեսական միության (ԵԱՏՄ) երկրների ղեկավարներին հրավիրում է միանգամից որոշում կայացնել միության մեջ առկա բոլոր խոչընդոտներն ու սահմանափակումները վերացնելու մասին եւ «նորերը չստեղծել»,- հայտնում է ԲԵԼՏԱ-ն:

«Ապրանքների առեւտրում մենք բազմաթիվ խոչընդոտներ եւ սահմանափակումներ ունենք: Նախագահը աջակցել է իմ առաջարկությանը` գուցե միանգամից որոշում կայացնելու համար. բոլոր երկրները վերացնում են խոչընդոտներն ու սահմանափակումները եւ հրահանգներ տալիս կառավարություններին նորերը չսահմանել: Բայց դա կարող է լինել միայն պետությունների ղեկավարների որոշումը»,- հայտարարել է Մյասնիկովիչը Բելառուսի նախագահ Ալեքսանդր Լուկաշենկոյի հետ հանդիպումից հետո:

Ըստ ԵԱՏՀ կոլեգիայի նախագահի` այդ խոչընդոտները, ըստ էության, որոշիչ չեն առեւտրի մեջ, բայց բազմաթիվ արգելքներ են ստեղծում բիզնեսի եւ մարդկանց համար, եւ դրա պատճառով բացասական սոցիալական կարծիք է ձեւավորվում, որ միությունը ոչինչ չի տալիս: «Եթե կողմերը համաձայնեն չեղարկել դրանք եւ նորերը չստեղծել, դա հիանալի բան կլինի»,- կարծում է նա:

Ըստ նրա` միության շրջանակներում բոլոր խոչընդոտների մոտ երկու երրորդը ստեղծվել են հենց հինգ պետությունների կողմից: Մասնավորապես, նա նշեց, որ խոսքը ակցիզային ապրանքների (ալկոհոլ, ծխախոտ) առեւտրի, տարանցիկ փոխադրման, ենթակառուցվածքային հարթակների հետ կապված հարցերի մասին է (խողովակաշար, օդային, ավտոմոբիլային տրանսպորտ): Նա նշեց, որ տարբեր տեսակի կարգավորիչներ են ի հայտ գալիս, որոնք ոչ այնքան պետական, որքան կորպորատիվ նպատակներ են հետապնդում եւ դրանով իսկ խնդիրներ են ստեղծում: «Եթե տարբեր սակագներ լինեն, օրինակ` գազը պոմպելու համար, դա ընդհանուր շուկա չէ: Սա վրդովեցնում է բիզնեսին ու նաեւ պետություններին»,- ասաց Մյասնիկովիչը:

Նա կարծում է, որ երկրները պետք է զբաղվեն այն արտադրանքով, որը եկել է երրորդ երկրներից ապօրինի ճանապարհով եւ ոչ թե «ձգտել ապօրինի մեթոդներով պաշտպանել հայրենական արտադրողին»: «Որովհետեւ սկսում ես դա անել եւ պատասխան գործողություններ ես ստանում ԵԱՏՄ գործընկերներից: Արդյունքում մենք կորցնում ենք ամեն ինչ»,- ասաց ԵԱՏՀ Խորհրդի նախագահը:

Մյասնիկովիչը նաեւ ուշադրություն հրավիրեց այն բանի վրա, որ ԵԱՏՄ երկրների առաջնորդների կողմից ընդունված որոշումները միշտ չէ, որ իրականացվում են փորձագիտական մակարդակում, եւ հավաստիացրեց, որ ինքը կձգտի լուծել այդ խնդիրը: Բացի այդ, նա հայտնեց, որ մինչեւ 2025 թվականը Եվրասիական տնտեսական ինտեգրման զարգացման ռազմավարական ուղղությունների վերաբերյալ փաստաթղթի նախագիծը մշակվել է եւ գտնվում է պատրաստության բարձր մակարդակում:

«Ռազմավարությունում կոնկրետ հարցերի շատ մեծ բլոկ կա: Սրանով է այն տարբերվում ԵԱՏՄ կողմից ընդունված բոլոր նախորդ փաստաթղթերից: Ռազմավարությունը ներքին առեւտրում առկա արգելքների ու խոչընդոտների վերացում է ենթադրում արտաքին առեւտրում, այն է, թե ինչպես ավելի լավ կառուցել եւ փակել անցքերը արտաքին մասում, քանի դեռ դրանք տեղ ունեն, որպեսզի իրացվի ազատության չորս աստիճանների` ապրանքների, ծառայությունների, աշխատուժի եւ ֆինանսների տեղաշարժի իրավունքը»,- հավելեց Մյասնիկովիչը: 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՏՀ. Հայաստանում 100 թափուր աշխատատեղերի համար դիմում է մոտ 4700 մարդ
Աշխատանքային միգրանտները սովորաբար բախվում են երեք հիմնական խնդրի...
ԵՏՀ․ Ռուսաստանում միգրացիոն հաշվառման մեջ է ՀՀ 202 հազար քաղաքացի
Նա նշել է, որ 2020 թվականին այդ թիվը կազմել է ընդամենը 51 հազար, իսկ 2019-ին՝ 106 հազար․․․
ԵՏՀ․ ԵՏՄ երկրներում պաշտոնապես գրանցված վարձու աշխատողների թիվը կրկնապատկվել է
Նա նշել է, որ այս գործընթացը կարելի է ակտիվ համարել․․․
ԵՏՀ ներկայացուցիչը նշել է ԵԱՏՄ երկրներում ամենապահանջված մասնագիտությունները
Ցանկը կազմվել է ԵԱՏՄ անդամ երկրների ազգային վիճակագրական կոմիտեների տրամադրած տվյալների հիման վրա...
Մհեր Գրիգորյանը անհրաժեշտ է համարում ԵԱՏՄ երկրների միջև արևտրում ազգային արժույթներով հաշվարկների աճի խթանումը
Նիստին մասնակցում էին նաև ՌԴ վարչապետը, ԱՊՀ մասնակից մի շարք երկրների փոխվարչապետեր և պաշտոնատար այլ անձինք...
ԵԱՏՄ-ին անդամակցելու իմ որոշումը ճիշտ էր. ռուսական ռազմակայանի ժամկետը երկարաձգելու որոշումը ճիշտ էր. Սերժ Սարգսյան
Տարիների հեռավորությունից կարող եմ վստահաբար ընդգծել, որ…
Ամենաշատ