Այս տարի նախատեսվում է Երեւանում ասֆալտապատել 577 հազար քառակուսի մետր ճանապարհ: Այս մասին փետրվարի 27-ին Ազգային ժողովում «Բարգավաճ Հայաստան» կուսակցության խմբակցության նախաձեռնած «Ճանապարհային երթեւեկության արդիական խնդիրները եւ դրանց լուծման ուղիները» թեմայով խորհրդարանական լսումների ժամանակ ասաց Երեւանի քաղաքապետարանի տրանսպորտի վարչության պետի տեղակալ Էդգար Գալստյանը:
Դրանից բացի, ինչպես նշեց մայրաքաղաքի քաղաքապետարանի ներկայացուցիչը, ընթացիկ տարում նախատեսվում է նաեւ կատարել 402 հազար քառակուսի մետրի վրա ճանապարհային փոսերը լցնելու աշխատանքներ: