News
Լրահոս
News
Կիրակի
Դեկտեմբեր 05
Տեսնել լրահոսը


Փետրվարի 10-22-ը Երեւանի Մոլդովական եւ Նելսոն Ստեփանյան փողոցների շենքերում չորս բնակարանային գողություն էր կատարվել: Թիրախը առաջին հարկի բնակարաններն էին:

Ոստիկանությունից NEWS.am-ին հայտնում են, որ հարմարեցված գործիքով բացում էին պատուհանները, գողանում` ինչ հնարավոր էր` ոսկեղենից մինչեւ կենցաղային իրեր:

Ոստիկանության Նոր Նորքի բաժնում բնակարանային գողության վերաբերյալ առաջին ահազանգը ստացվեց փետրվարի 12-ին` օպերատիվ կառավարման կենտրոնից: Տեխնիկական միջոցների գործադրմամբ բացել էին Նելսոն Ստեփանյան փողոցի բնակարաններից մեկի պատուհանն ու հեռուստացույց գողացել: Փետրվարի 10-ից 20-ը կոտրել էին Մոլդովական փողոցի բնակարաններից մեկի պատուհանի ճաղավանդակի կողպեքը, սենյակները տակնուվրա անելուց հետո գողացել հեռուստացույց, ձայնարկիչ` ուժեղացուցիչներով, տեսաձայնարկիչ եւ կենցաղային իրեր:

Գրեթե բոլոր դեպքերով ոստիկանությունում ահազանգեր էին ստացվել, տուժողներից բացատրություններ վերցվել: Ուսումնասիրվել էին դեպքի վայրերը:

Փետրվարի 17-ից 19-ը նույն եղանակով Մոլդովական փողոցի բնակարաններից մեկն էին մտել, հյուրասենյակից գողացել հեռուստացույց:

Դեպքերի վերլուծությունը ցույց էր տալիս, որ հանցամիտներն ընտրում էին այն բնակարանները, որոնց տերերը կա՛մ արտասահմանում էին, կա՛մ ինչ-ինչ հանգամանքների բերումով մի քանի օրով բացակայել էին մայրաքաղաքից: Պատուհաններ բացելու եղանակն էր նաեւ նույնը: Մի ընդհանրություն էլ կար. բոլոր բնակարաններից հեռուստացույց էին գողացել, ինչը հուշում էր, որ հանցամիտները մեքենայով են:

Գողությունները կատարած անձանց եւ գողոնը հայտնաբերելու ուղղությամբ իրավապահները ծավալուն միջոցառումներ սկսեցին: Բացահայտման աշխատանքներին միացան նաեւ ոստիկանության Երեւան քաղաքի վարչության ծառայողները, եւ հետեւողական աշխատանքի արդյունքում տեղեկություններ ստացվեցին, որ գողությունները հնարավոր է կատարած լինեն 30 եւ 36 տարեկան երկու տղամարդ, որոնցից մեկը բնակվում է Արշակունյաց պողոտայում, մյուսը Բագրատունյաց փողոցի բնակիչ է:

Մեքենան, որով գողության էին գնում, «Նիսան» մակնիշի էր: Սակայն նրանց պատասխանատվության ենթարկելու համար իրեղեն ապացույցներ էին հարկավոր, փաստեր, որոնք հետո ի հայտ եկան:

Ոստիկանները տեղեկություններ ստացան, որ փետրվարի 22-ի գիշերը կասկածյալները Մոլդովական փողոցի շենքերից մեկից պատրաստվում են գողություն անել: Ստացված տեղեկություններն իրացնելով՝ քրեական հետախույզները ժամը 4-ի սահմաններում Մոլդովական փողոցում հայտնաբերել էին կասկածյալների «Նիսան» մակնիշի մեքենան:

Ոստիկանների տեսադաշտում հայտնվածներն իրավապահներին տեսնելով՝ դիմել էին փախուստի: Սակայն Գայի պողոտայում նրանց մեքենան, կորցնելով կառավարումը, վթարի էր ենթարկվել, եւ քրեական հետախույզները երկուսին էլ բերման էին ենթարկել ոստիկանության Նոր Նորքի բաժին:

Ավելի ուշ բաժնի պահպանվող հատուկ տարածք տեղափոխվեց նաեւ նրանց մեքենան:

Միջոցառումները շարունակվում էին, երբ նույն օրը, ժամը 13.30-ի սահմաններում, բնակարանային գողության եւս մեկ ահազանգ ստացվեց: Մոլդովական փողոցում փետրվարի 16-ից 22-ը կոտրել էին բնակարաններից մեկի ճաղավանդակի փականը եւ հեռուստացույց, սպասքի հավաքածու, բիժուտերիա, ոսկյա ու արծաթյա զարդեր գողացել:

Օպերատիվ խումբը դեպքի վայր մեկնեց։ Ոստիկաններն արձանագրեցին, թե ինչպես են տուն մտել, որտեղից՝ ինչ գողացել։

Բաժնում պարզվեց, որ այս հանցադրվագը նույնպես բերման ենթարկվածների ձեռքի գործն է: Կասկածյալները Նոր Նորքի վարչական շրջանում կատարած չորս բնակարանային գողություններից զատ խոստովանել են, որ փետրվարի 11-ին Աջափնյակ վարչական շրջանի Շիրազի փողոցի մի բնակարանից հեռուստացույց ու համակարգիչ են գողացել:

Գողոնը մասամբ առգրավված է:

Հանգամանքները պարզվում են:

Հարուցված քրեական գործի նախաքննությունը շարունակվում է:

Տպել
Կարդացեք նաև
Ամբողջը
Մարտակերտի բնակիչը կատարել է գողություն եւ սպանություն, հափշտակել ռազմամթերք ու ապօրինի պահել այն. ԱՀ դատախազություն
Բացի այդ, նույն Է.Գ-ն, 2021թ. փետրվար ամսվա սկզբներին, ԱՀ Մարտակերտ քաղաքի բնակիչ Հ.Ս-ի կողմից ժամանակավոր բնակեցվող առանձնատանն ականատես…
Տղամարդը հեռացել է աշխատանքից եւ գործընկերներին դատի տվել՝ կորպորատիվի ժամանակ ծաղրի ենթարկվելու պատճառով
Իլյաս Էլհարազը Մարոկկոյից Ավստրալիա է տեղափոխվել ատաղձագործ դառնալու համար…
ԱՄՆ-ում բացահայտել են աղանդի առաջնորդի մահվան գաղտնիքը, որի մումիֆիկացված մարմինը հայտնաբերվել էր առանց աչքերի
Իշխանությունները հայտարարել են, որ Կարլսոնը, որը հայտնի է իր հետեւորդներին որպես «Աստվածամայր», հայտնաբերվել է կանաչ պարկի մեջ կոպերի շրջանում փայլուն դիմահարդարմամբ...
Հնդկաստանում մարդատար գնացքը երկու վայրի փղի է վրաերթի ենթարկել
Իշխանությունները դիահերձումից հետո թաղել են կենդանիներին...
Վիրաբույժը տուգանվել է 3000 դոլարով՝ 82-ամյա պացիենտի սխալ ոտքը անդամահատելու համար
Տղամարդը մահացել է նախքան գործը դատավորին ներկայացնելը․․․
Կոլումբիայի իշխանությունները հարյուրավոր վայրի սարդեր եւ միջատներ են առգրավել
Միջատները պահվել են ճամպրուկների մեջ թաքցրած ավելի քան 200 պլաստիկ տարաներում...
Ամենաշատ