News
Լրահոս
News
Կիրակի
Դեկտեմբեր 05
Տեսնել լրահոսը

Քաղաքացին վարել է անծանոթի ավտոմեքենան, բախվել այլ մեքենայի եւ 4 մարդու մահվան պատճառ դարձել. նրան մեղադրանք է առաջադրվել 3 հոդվածով։ Այս մասին հայտնում են ՔԿ-ի լրատվության ծառայությունից։

Նախաքննությամբ ձեռք բերված փաստական տվյալների համաձայն՝ 2018թ. դեկտեմբերի 26-ին՝ ժամը 23:30-ի սահմաններում, ենթադրյալ հանցագործություն կատարած անձը Երեւան քաղաքի ռեստորաններից մեկում մասնակցել է խնջույքի եւ գտնվելով ալկոհոլի ազդեցության տակ, օգտվելով այն հանգամանքից, որ խնջույքի մասնակիցներից մեկի «Լեքսուս» մակնիշի ավտոմեքենայի շարժիչը գտնվում է գործի դրված վիճակում եւ վերահսկողությունից դուրս, առանց ավտոմեքենայի սեփականատիրոջ իմացության եւ թույլտվության, նստել է ռեստորանի դիմաց կայանված նշված ավտոմեքենայի ղեկին, իսկ խնջույքի մեկ այլ մասնակից իրեն անծանոթ անձը՝ վարորդի կողքի նստատեղին, եւ այն վարել Ծովակալ Իսակով պողոտայով թույլատրելի արագությունը գերազանցող շուրջ 105կմ/ժամ արագությամբ, որի ընթացքում կորցրել է ավտոմեքենայի կառավարումը, բախվել պողոտայի միջնամասում առկա բաժանարար բետոնե պատնեշին, ապա՝ դուրս եկել հանդիպակաց ուղեմաս եւ ընդհարվել հանդիպակաց ուղեմասով ընթացող «Մերսեդես-Բենց» մակնիշի ավտոմեքենային, ինչն անզգուշությամբ առաջացրել է չորս մարդու՝ իր հետ նույն ավտոմեքենայում գտնվող ուղեւորի եւ վթարին մասնակից «Մերսեդես-Բենց» մակնիշի ավտոմեքենայի վարորդի, վերջինիս երկու ուղեւորների մահը:

Նախաքննության ընթացքում նշված անձը, քրեական պատասխանատվությունից խուսափելու նպատակով, կատարելով սուտ մատնություն, վարույթն իրականացնող մարմնին հայտնել էր, թե, իբր, տեղի ունեցած ավտովթարի ժամանակ ավտոմեքենան վարել է ավտոպատահարի պատճառով մահացած իրեն անծանոթ անձը:

Ձեռք բերված բավարար ապացույցների հիման վրա ապացուցվել է նրա կատարած սուտ մատնությունը, եւ նրան մեղադրանք է առաջադրվել՝ ՀՀ քրեական օրենսգրքի 183-րդ հոդվածի (ավտոմեքենային կամ տրանսպորտային այլ միջոցին ապօրինաբար տիրանալն առանց հափշտակելու նպատակի) 1-ին մասով, 242-րդ հոդվածի (ճանապարհային երթեւեկության անվտանգության ապահովմանն ուղղված պահանջները կամ ճանապարհային երթեւեկության կամ տրանսպորտային միջոցների շահագործման կանոնները խախտելը) 3-րդ մասով եւ 333-րդ հոդվածի (սուտ մատնություն) 1-ին մասով: Նրա նկատմամբ որպես խափանման միջոց ընտրվել կալանավորումը:

Նախաքննությունն ավարտվել է, եւ քրեական գործը` մեղադրական եզրակացությամբ, ուղարկվել է դատարան:

Տպել
Կարդացեք նաև
Ամբողջը
36-ամյա կինը տատի սպանության կասկածանքով ձերբակալվել է․ ՔԿ
Բնակարանում, բացի 89-ամյա կնոջից, հրդեհի պահին գտնվել են նաև տարեց կնոջ 36-ամյա թոռը և վերջինիս 5-ամյա դուստրը, ովքեր տեղափոխվել են բժշկական կենտրոն․․․
Հրաձգություն՝ Միչիգանի դպրոցում. չորս մարդ է զոհվել
Հրաձգությունը տեղի է ունեցել Օքսֆորդ քաղաքի դպրոցում, երեքշաբթի կեսօրին․․․
Պարեկայինների բերման ենթարկած տղամարդը գողության մասին խոստովանական բացատրություն է տվել
Ոստիկանության պարեկային ծառայության Երևանի գնդի 3-րդ գումարտակի 1-ին…
Էրդողան. Թուրքիան ապավինում է Ինտերպոլի աջակցությանը հանցավորության դեմ պայքարում
«Շատ կարեւոր է, որպեսզի Ինտերպոլն անվերապահորեն աջակցի ահաբեկիչների դեմ պայքարին եւ հաշվի չառնի այս կամ այն ​​պետության դիրքորոշումը...
Թուրքական ոստիկանությունը ձերբակալել է մաֆիայի առաջնորդ Գյունիզ Աքքուշին
Աքքուշը, որը հայտնի է «Hanımağa» (կին շեֆ) մականունով, ձերբակալվել է ...
«Ժողովուրդ». Երևանում ռազբորկայի են պատրաստվել օրենքով գող Զապը, Մոսկվայի Արամչոն եւ այլք. բոլորը բերման են ենթարկվել
Խուզարկությամբ նրանցից մեկի մոտից հայտնաբերվեց «Մակարով» ատրճանակ՝ 6 փամփուշտով։ Օպերացիայի արդյունքում...
Ամենաշատ