Յութայում բանտարկյալը փախել է բանտից՝ ներկայանալով որպես իր բանտակիցը, որը պետք է ազատ արձակվեր, հաղորդում է AP-ը:
Կալեբա Վենանդին, որը դատապարտվել էր խարդախության համար, թույլ են տվել լքել բանտը՝ շփոթելով նրան մեկ ուրիշ բանտարկյալի հետ: Վերջինիս նմանվելու համար նա սափրել էր գլուխը եւ վերցրել բանտակցի անձը հաստատող փաստաթուղթը:
Բանտի աշխատակիցները հասկացել էին, որ ազատ էին արձակել բանտարկյալին երկու ժամ անց, երբ Կալեբայի բանտակիցը պահանջել էր վերջապես ազատ արձակել իրեն: Ենթադրվում է, որ նա համաձայնվել էր օգնել Կալեբային փախչել:
