News
Լրահոս
News
Երկուշաբթի
Նոյեմբեր 29
Տեսնել լրահոսը

Երեկ՝ փետրվարի 26-ին, Երևանում ժամը 20:00-ի սահմաններում Շինարարների փողոցի 15 շենքի մոտ փորձել են վնասազերծել Երևանի բնակիչ, 27-ամյա Նարեկ Պետրոսյանին: Այս մասին հայտնում է Shamshyan.com-ը։

Ն. Պետրոսյանը, որը 2019 թվականի հոկտեմբերի 11-ից ոստիկանության Մալաթիայի բաժնի կողմից հետախուզվում է ՀՀ քր օր-ի 34-104 հոդվածի 1-ին մասի (սպանության փորձ) և ՀՀ քրօր.-ի 235 հոդվածի 1-ին մասի (ապօրինի զենք-զինամթերք կրելը, պահելը, օգտագործելը) հատկանիշներով, իր վարած Hyundai մակնիշի ավտոմեքենայով դիմել է փախուստի, հարվածելով ու վնասելով կայանած վիճակում գտնվող ոստիկանական համարանիշներով Nissan մակնիշի ավտոմեքենան, այնուհետև Mercedes, Opel և Mitsubishi մակնիշի ավտոմեքենաները: Ավտոմեքենաների ջարդից հետո Ն. Պետրոսյանը  դիմել է փախուստի: Աղբյուրի տեղեկություններով՝ նա հետախուզման մեջ է 2019 թ.-ի հոկտեմբերից՝ իր ազգականի նկատմամբ հրազենի գործադրմամբ սպանության փորձ կատարելու համար: Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ Ն. Պետրոսյանին և նրա վարած Hyundai մակնիշի ավտոմեքենան հայտնաբերելու ուղղությամբ:

Ըստ աղբյուրի՝ 2019-ի հոկտեմբերի 2-ին՝ գիշերը ժամը 03:00-ից մինչև առավոտյան ժամը 06:30-ն ընկած ժամանակահատվածում Ն. Պետրոսյանը չնչին առիթով, իրեն դիտողություն անելու կապակցությամբ, մի քանի անգամ եկել է Մալաթիա փողոցի 84/3 հասցե և Հովսեփ Պետրոսյանին պատկանող տան բակում իր մոտ եղած ավտոմատով բազմաթիվ անգամ կրակոցներ է արձակել Հ. Պետրոսյանի և նրա տան ուղղությամբ, այդ կերպ կոպիտ կերպով խախտելով հասարակական կարգը, իսկ արդեն հոկտեմբերի 5-ին՝ ժամը 00:15-ի սահմաններում Ն. Պետրոսյանը զանգահարել է Հ. Պետրոսյանին հեռախոսահամարին և վերջինիս հասցեին տվել սպանության սպառնալիք: Արդեն հոկտեմբերի 5-ին ոստիկանության Մալաթիայի բաժնում հարուցվել է քրեական գործ և այն ոստիկանության Մալաթիայի բաժնից փոխանցվել է Հայաստանի քննչական կոմիտեի Երևան քաղաքի քննչական վարչության Մալաթիա–Սեբաստիա վարչական շրջանի քննչական բաժին։

Տպել
Կարդացեք նաև
Ամբողջը
Պարեկայինների բերման ենթարկած տղամարդը գողության մասին խոստովանական բացատրություն է տվել
Ոստիկանության պարեկային ծառայության Երևանի գնդի 3-րդ գումարտակի 1-ին…
Էրդողան. Թուրքիան ապավինում է Ինտերպոլի աջակցությանը հանցավորության դեմ պայքարում
«Շատ կարեւոր է, որպեսզի Ինտերպոլն անվերապահորեն աջակցի ահաբեկիչների դեմ պայքարին եւ հաշվի չառնի այս կամ այն ​​պետության դիրքորոշումը...
Թուրքական ոստիկանությունը ձերբակալել է մաֆիայի առաջնորդ Գյունիզ Աքքուշին
Աքքուշը, որը հայտնի է «Hanımağa» (կին շեֆ) մականունով, ձերբակալվել է ...
«Ժողովուրդ». Երևանում ռազբորկայի են պատրաստվել օրենքով գող Զապը, Մոսկվայի Արամչոն եւ այլք. բոլորը բերման են ենթարկվել
Խուզարկությամբ նրանցից մեկի մոտից հայտնաբերվեց «Մակարով» ատրճանակ՝ 6 փամփուշտով։ Օպերացիայի արդյունքում...
Սպանություն Երևանում. կան ձերբակալվածներ
Ձեռնարկված միջոցառումների արդյունքում ձերբակալվել են 47 և 45-ամյա...
Մերձմոսկվայում ձերբակալվել է քրեական հեղինակություն Հայկ Հարությունյանի ենթադրյալ մարդասպանը
Քննիչներն առգրավել են հանցագործության գործիքը, հարցաքննել են վկային ու կասկածյալներին եւ առերեսում են անցկացրել...