Ռամկավար ազատական կուսակցության կենտրոնական վարչությունը հանդես է եկել հայտարարությամբ, որտեղ կո է անում սահմանադրական հանրաքվեին «Այո» քվեարկել:
Հայտարարությունում ասվում է.
«Առաջիկա ապրիլի 5-ին կայանալիք հանրաքվեով, հայրենի մեր հարազատ քույրերն ու եղբայրները իրենց վճիռը պիտի տան Հայաստանի Հանրապետության Սահմանադրության մեջ փոփոխություններ կատարելու առնչությամբ։
Անհեթեթ է քննարկելը թե հանրաքվեն պե՞տք է տեղի ունենա, թե ոչ։ Այս ուղղությամբ հստակ սահմանում է տվել հայրենի կառավարությունը եւ չենք դատում այդ որոշումը։
Սակայն կոչ ենք ուղղում, որ քվեները կենտրոնացվեն «ԱՅՈ՛»-ի վրա, որովհետեւ համոզված ենք, որ այն նպաստավոր եւ բարեբեր է այսօրվա մեր հայրենիքի համար։ Հետեւաբար՝ այդ է միակ ճիշտ կողմնորոշումը:
Ռամկավար ազատական կուսակցության կենտրոնական վարչության
Ատենադպիր Ռաֆֆի Պալյան
Ատենապետ Մայք Խարապյան
