News
Լրահոս
News
Կիրակի
Նոյեմբեր 28
Տեսնել լրահոսը

Թուրքիան որպես Իդլիբում իրավիճակի սրման արձագանք դիտարկում է Բոսֆորի եւ Դարդանելի նեղուցները ռազմանավերի համար փակելու հնարավորությունը, ինչպես նաեւ կարող է հետաձգել ռուսական Ս-400 համակարգերի տեղակայումը, հայտնում են թուրքական լրատվամիջոցները:

Տեղեկությունների համաձայն՝ նեղուցները փակելու մասին որոշումը կարող է ընդունվել նեղուցների ռեժիմի մասին 1936 թվականի Մոնթրյոյի կոնվենցիայի 20-րդ եւ 21-րդ հոդվածների հիմա վրա, որոնք Անկարային նման իրավունք են տալիս, եթե Թուրքիան համարի, որ «գտնվում է անմիջական ռազմական վտանգավորության սպառնալիքի տակ»:

Դրանից բացի, թուրքական կողմը կարող է հետաձգել ռուսական Ս-400 զենիթահրթիռային համակարգերի տեղակայումը, որը նախկինում նախատեսված էր ապրիլին, նշում են թուրքական լրատվամիջոցները:

Պետական դումայի պաշտպանության հարցերով կոմիտեի փոխնախագահ Յուրի Շվիտկինն իր հերթին հույս է հայտնել, որ Թուրքիան սիրիական Իդլիբում իրավիճակի սրման հետ կապված ծայրահեղ միջոցների չի դիմի, ինչպիսին է ռուսական ռազմանավերի համար Բոսֆորի եւ Դարդանելի փակումը:

Նա չի բացառել, որ «Բոսֆորում ինչ-որ պարեկում կլինի», բայց դրա հետ մեկտեղ հույս է հայտնել, որ «համենայնդեպս, ծայրահեղ միջոցների չեն հասնի»:

Ավելի վաղ հայտնի էր դարձել, որ ՆԱՏՕ-ի Հյուսիսատլանտյան խորհուրդը, որի մեջ մտնում են դաշինքի բոլոր 29 դաշնակիցների դեսպանները, Թուրքիայի խնդրանքով ուրբաթ հավաքվելու է Սիրիայում իրավիճակի քննարկման համար: Վաշինգտոնյան պայմանագրի համաձայն՝ ՆԱՏՕ-ի ցանկացած դաշնակից կարող է հայցել Խորհրդի խորհրդատվությունը, երբ, նրանցից ցանկացածի կարծիքով, «սպառնալիքի տակ են իր տարածքային ամբողջականությունը, քաղաքական անկախությունը կամ անվտանգությունը»:

Փետրվարի 28-ին ավելի վաղ թուրք պաշտոնյաները հայտնել էին, որ Իդլիբում սիրիական ավիահարվածը հանգեցրել է 33 թուրք զինվորների զոհվելուն: Դրանից հետո Անկարան պատասխան հարվածներ էր հասցրել շրջանում Սիրիայի բանակի դիրքերին: ՌԴ պաշտպանության նախարարությունն իր հերթին հայտարարել էր, որ Իդլիբում սիրիական բանակի կրակի տակ են հայտնվել թուրքական այն ստորաբաժանումները, որոնք հայտնվել են ահաբեկիչների ջոկատների մարտական շարքերում: Անկարան չի նախազգուշացրել միջադեպի շրջանում իր ուժերի գտնվելու մասին, նշել են ռազմական գերատեսչությունից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռուսաստանն սկսել է պարեկումը Սիրիայում
Ռուսաստանցի զինծառայողները Սիրիայի՝ ահաբեկիչների կողմից վտանգ ներկայացնող տարածքներում մինչ այժմ պարեկում չէին իրականացնում...
44–ՕՐՅԱ ՊԱՏԵՐԱԶՄԻ ԱՎԱՐՏԸ. ՄԱՍ 3. ՔԱՈՍ
44-օրյա պատերազմից ուղիղ մեկ տարի անց, NEWS.am-ը ներկայացնում է այդ օրերի քրոնիկոնը...
Իսրայելի ՌՕՈւ-ն հրթիռային հարված է հասցրել Դամասկոսի մերձակա շրջանին
Իսրայելական բանակը մի քանի հրթիռներով հարվածել է Զաքիա շրջանի օբյեկտներին...
Իրանը կոչ է արել վերացնել հարկադրական միջոցները Սիրիայի դեմ
«Անվերապահ օգնություն ցուցաբերել տեղահանվածներին իրենց հայրենիք վերադարձնելու եւ ահաբեկչության հետեւանքով ավերված տների վերակառուցման գործում...
Սիրիական ՀՕՊ-ը հետ է մղել հարձակումը Դամասկոսի մերձակայքում. ԶԼՄ-ները
Իսրայելի ռազմաօդային ուժերի կողմից ցամաքային թիրախներին հարվածներ են հասցվում օկուպացված Գոլանի բարձունքներից...
Թուրքական զորքերը կրակել են Սիրիայի հյուսիսում գտնվող երկու գյուղերի վրա
Քուրդ զինյալները պատասխան կրակ են բացել․․․