News
Լրահոս
News
Երեքշաբթի
Մարտ 19
Տեսնել լրահոսը

Կրեմլը ներկայացրել է Ռուսաստանի եւ Թուրքիայի նախագահներ Վլադիմիր Պուտինի եւ Ռեջեփ Էրդողանի հեռախոսային զրույցի մանրամասները:

Հաղորդագրության համաձայն՝ զրույցի ընթացքում լուրջ մտահոգություն է արտահայտվել Իդլիբում լարվածության էսկալացիայի  վերաբերյալ, որը հանգեցրել է բազմաթիվ զոհերի, այդ թվում՝ թուրք զինծառայողների շրջանում: Շեշտը դրվել է Ռուսաստանի եւ Թուրքիայի պաշտպանության նախարարությունների խողովակներով համակարգման արդյունավետության մեծացման կարեւորության վրա:

Վլադիմիր Պուտինը եւ Ռեջեփ Թայիփ Էրդողանը քննարկել են 2018 եւ 2019 թվականների ռուս-թուրքական պայմանավորվածությունների կատարման ընթացքը: Նշվել է միջազգային ահաբեկչական խմբավորումների դեմ պայքարի խնդիրների առաջնահերթ բնույթը:

Երկու կողմից շեշտվել է Սիրիայի հյուսիս-արեւմուտքում իրադրության կարգավորման նպատակով լրացուցիչ միջոցառումների ընդունման անհրաժեշտությունը: Պայմանավորվել են ակտիվացնել համապատասխան միջգերատեսչական խորհրդակցությունները եւ մշակել առաջիկայում բարձր մակարդակով հանդիպման անցկացման հնարավորությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենաշատ