News
Լրահոս
News
Ուրբաթ
Մարտ 29
Տեսնել լրահոսը

Հայաստանը կգնա ատոմակայանի փակմանը միայն համարժեք փոխարինող հզորությունների առկայության դեպքում: Այս մասին այսօր «Ատոմային արդյունաբերության զարգացման հեռանկարները Հայաստանում»  քննարկման ժամանակ ասաց ՀՀ տարածքային կառավարման և ենթակառուցվածքների նախարարության Ատոմային էներգետիկայի վարչության պետի ժամանակավոր պաշտոնակատար Նունե Ալեքյանը:

Նման հայտարարության համար առիթ էր հանդիսացել ատոմակայանի փակման հնարավորության մասին քննարկման մասնակիցների հարցը` Հայաստանի կողմից Հայաստան-ԵՄ Համապարփակ եւ ընդլայնված գործընկերության համաձայնագրի ստորագրման լույսի ներքո. երկիրը ստիպված կլինի փակել ատոմակայանը արդեն 2027 թվականին:
Սակայն Ալեքյանը շեշտեց, որ հայկական կողմն իր եվրոպական գործընկերներին բացատրել է, որ առանց երաշխավորված փոխարինող հզորությունների առկայության դա հնարավոր չէ անել: Նա հավելեց, որ կառավարությունը ջանքեր է գործադրում գործող ատոմակայանի անվտանգ շահագործումն ապահովելու համար:

Իր հերթին, ատոմային էներգիայի բնագավառում «Հայաստանի էներգետիկ գործակալություն» հիմնադրամի ծրագրի ղեկավար Արտյոմ Պետրոսյանը նշեց, որ, էլեկտրաէներգիայի սպառման աճի եւ Փարիզյան կլիմայի պայմանագրով Հայաստանի ստանձնած պարտավորությունների պայմաններում, ատոմային էներգիան երկրի համար ամենաընդունելի լուծումն է: Հայաստանում գոյություն ունեցող վերականգնվող էներգիայի աղբյուրները երաշխավորված փոխարինող չեն, քանի որ դրանք կախված են բնությունից եւ եղանակից: Էներգետիկ կայունության ապահովման եւ առհասարակ Հայաստանի տնտեսության համար անհրաժեշտ է էներգիայի հիմնական արտադրություն ապահովել` միջուկային էներգիայի տեսքով: 2019-ի տվյալներով, ըստ նրա, ատոմակայանների կողմից արտադրված էներգիայի ծավալը կազմել է էլեկտրաէներգիայի ընդհանուր արտադրության 27 տոկոսը: «Սա չնայած այն բանին, որ երկու ամիս ատոմակայանը չի գործել»,- հայտարարեց նա: Պետրոսյանը ուշադրություն հրավիրեց այն փաստի վրա, որ ատոմակայանների դեպքում սահմանված հզորության տոկոսը 13 է կազմում, բայց, միեւնույն ժամանակ, գործարանը արտադրում է ընդհանուր ծավալի 27 տոկոսը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ում մինչեւ 2025թ. մտադիր են առաջին անգամ ատոմային էլեկտրակայան վերագործարկել
ԱՄՆ դաշնային կառավարությունը մտադիր է վերագործարկել ատոմային էլեկտրակայան...
Չինաստանի, ԱՄԷ եւ Թուրքիայի բանկերում բարդացրել են վճարումները ռուսական նավթի համար. Reuters
Բանկերում պահանջները խստացվել են...
«Հայկական Ատոմային էլեկտրակայան» -ն ու «Ռուսատոմ սերվիս»-ը ստորագրեցին հովացման համակարգերին առնչվող պայմանագիր
Ամբողջ ծրագիրը շահագործման ժամկետի երկարացման առաջին փուլով  է ներդրված…
«Ռոսատոմ»-ը կարող է Հայաստանին 50-1000 ՄՎտ հզորությամբ միջուկային ռեակտորներ առաջարկել. Կիրիլ Կոմարով 
Նրա խոսքով, Հայաստանի իշխանություններն իրենք են որոշելու, թե որ բլոկն ընտրել...
Գազամատակարարման պլանային դադարեցում Վանաձորում, Ալավերդիում, Գեղարքունիքի մարզի որոշ բնակավայրերում
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ…
Պորտուգալիայում կառուցվել է Եվրոպայի ամենամեծ արևային էլեկտրակայանը
Cerca-ն համալրված է ավելի քան 310 հազար երկդիմաց արևային մարտկոցներով...
Ամենաշատ