News
Լրահոս
News
Հինգշաբթի
Մայիս 26
USD
450.71
EUR
480.77
RUB
8.04
Տեսնել լրահոսը

Մոլորակի ամենահարուստ 500 մարդիկ մեկ շաբաթում կորցրել են 444 մլրդ դոլար կորոնավիրուսի տարածման ֆոնին ֆոնդային շուկաների ցուցանիշների զգալի նվազեցման պատճառով: Նման գնահատականներ է հրապարակել Bloomberg գործակալությունը:

Գործակալության տվյալներով՝ աշխարհի ամենահարուստ 3 մարդիկ՝ Amazon կորպորացիայի ղեկավար Ջեֆ Բեզոսը, Microsoft-ի համահիմնադիր Բիլ Գեյթսը եւ Louis Vuitton Moet Hennessy ընկերության ֆրանսիական խմբի գործադիր տնօրեն Բեռնար Առնոն, կրել են ամենախոշոր կորուստները: Նրանց կարողությունը միասին վերցրած նվազել է գրեթե 30 մլրդ դոլարով, հաղորդում է ՏԱՍՍ-ը:

Tesla ընկերության ղեկավար Իլոն Մասկը, որը մոլորակի ամենահարուստ մարդկանց ցուցակում զբաղեցնում է 25-րդ տեղը , մեկ շաբաթում կորցրել է 9 մլրդ դոլար:

The Wall Street Journal-ի հաղորդմամբ՝ ընթացիկ շաբաթը ԱՄՆ ֆոնդային շուկային ամենաանհաջող շաբաթն է եղել 2008 թվականի ֆինանսական ճգնաժամից ի վեր: Մեկ շաբաթում Dow Jones-ի անկումը կազմել է 12,4%, S&P 500-ինը՝ 11,5%, Nasdaq-ինը՝ 10,5%:

Նոր կորոնավիրուսի բռնկումը սկսվել է 2019 թվականի դեկտեմբերի վերջին Կենտրոնական Չինաստանում՝ 12 մլն բնակչություն ունեցող Ուհան քաղաքում: ԱՀԿ-ն իրավիճակը միջազգային մասշտաբի արտակարգ դրություն է ճանաչել: Չինաստանի սահմաններից դուրս վիրուսը հայտնաբերվել է ավելի քան 52 երկրներում: Չինաստանի իշխանությունները գրանցել են երկրում 2788 մահվան ելքով դեպքեր, ապաքինվել է 36,1 հազար մարդ, վարակվածների թիվը գերազանցում է 78,8 հազարը: 

!
Այս նյութը հասանելի է նաև   Русский
Տպել
Ամենաշատ