Միգրացիայի հարցերով ՄԱԿ-ի միջազգային կազմակերպությունը հայտարարել է, որ նախօրեին երեկոյան նրա աշխատակիցները, որոնք աշխատում են ցամաքային սահմանի երկայքում, «դիտարկել են առնվազն 13 000 մարդու Պազարկուլե եւ Իպսալե պաշտոնական անցակետերում եւ մի քանի ոչ պաշտոնական սահմանային անցակետերում մի քանի տասնյակից մինչեւ ավելի քան 3000 մարդու», հաղորդում է AP-ը:
Շաբաթ Հունաստանի իշխանությունները կիրառել են արցունքաբեր գազ եւ շոկային նռնակներ ավելի քան 4000 հոգու կրկնակի սահմանը հատելու փորձը կանխելու համար:
Հունաստանի իշխանությունները հայտարարել են, որ ուրբաթ ձերբակալել են 66 միգրանտի, որոնցից 17-ն ազատազրկվել է 3.5 տարի ժամկետով երկիր անօրինական մուտք գործելու համար: Շաբաթ Հունաստանը ձերբակալել է եւս 70 մարդու, որոնք փորձել են անօրինական եղանակով հատել ցամաքային սահմանը:
Հունաստանի հետ սահմանները փակելու շուրջ Թուրքիայի որոշումը կայացվել է սիրիական Իդլիբում ռազմական էսկալացիայի ֆոնին:
Շաբաթ նախագահ Ռեջեփ Թայիփ Էրդողանը հայտարարել էր, որ Թուրքիան չի խանգարի փախստականներին եւ միգրանտներին, որոնք գտնվում են երկրում, մեկնել Եվրոպա: «Մենք չենք փակի դարպասները փախստականների առջեւ»,-ասել է նա: «Եվրոպական Միությունը պետք է կատարի իր խոստումները: Մենք պատրավոր չենք հոգ տանել եւ կերակրել այդքան մեծաթիվ փախստականներին»:
