Ռուսաստանի նախագահ Վլադիմիր Պուտինը մանրամասներ է հայտնել իր ամերիկացի գործընկեր Դոնալդ Թրամփի հետ սպառազինության ծախսերի վերաբերյալ զրույցից:
«20 հարց Վլադիմիր Պուտինին» նախագծի համար ՏԱՍՍ-ի հետ հարցազրույցում ՌԴ առաջնորդը շեշտել է, որ պաշտպանական ծախսերով ԱՄՆ-ն ամենեւին առջեւում չէ:
«Դոնալդ [Թարմփն] ինձ ահա ասել է, որ իրենց մոտ հաջորդ տարվա համար խելագար [ռազմական] բյուջե է ընդունվել, իմ կարծիքով՝ 738 միլիարդ [դոլար]»,- նշել է Պուտինը:
Նրա խոսքով՝ ԱՄՆ նախագահն «այս մասին ափսոսանքով է ասել»: «Ասաց՝ չափից ավելի մեծ ծախսեր են: Ստիպված են դա անել: Նա ընդհանրապես, ինչպես ինքն է ասում, զինաթափման կողմնակից է»,- պարզաբանել է ռուսական պետության ղեկավարը:
